புதுக்கோட்டை மாவட்டத்தில் சட்டம் ஒழுங்கைப் பாதுகாக்கும் வகையில் கடந்த ஜனவரி மாதத்தில் மட்டும் 28 ரௌடிகள் கைது செய்யப்பட்டுள்ளனா்.

இதுகுறித்து புதுக்கோட்டை மாவட்டக் காவல் துறை வெளியிட்ட செய்திக்குறிப்பு:

சட்டம் ஒழுங்கைப் பாதுகாக்கும் வகையில் புதுக்கோட்டை மாவட்டத்தில் கடந்த ஜனவரி மாதத்தில் 28 ரௌடிகள் கைது செய்யப்பட்டுள்ளனா். 331 குற்றப் பின்னணி கொண்டோரின் வீடுகள் சோதனை செய்யப்பட்டு, ஆயுதங்கள் பறிமுதல் செய்யப்பட்டுள்ளன.

நீதிமன்றத்தால் பிடியாணை பிறப்பிக்கப்பட்டு ஆஜராகாமல் இருந்த 88 போ் கைது செய்யப்பட்டு, நீதிமன்றத்தில் முன்னிலைப்படுத்தப்பட்டுள்ளனா்.

நன்னடத்தை பிணை ஆணை பெற்ற இருவா், தொடா் குற்றங்களைச் செய்ததால் கைது செய்யப்பட்டு சிறையில் அடைக்கப்பட்டனா்.