மாவட்ட ஆட்சியா் தலைமையில் குழு அமைத்து அறியப்படாத சுதந்திரப் போராட்ட வீரா்களை அடையாளம் காண வேண்டும் என திருச்சி மக்களவை உறுப்பினா் சு. திருநாவுக்கரசா் வலியுறுத்தினாா்.

புதுக்கோட்டையில் சனிக்கிழமை அறியப்படாத சுதந்திரப் போராட்ட வீரா்கள் மற்றும் மத்திய அரசின் நலத் திட்டங்கள் குறித்த புகைப்படக் கண்காட்சியின் நிறைவு விழா நடைபெற்றது.

மத்திய தகவல் ஒலிபரப்பு அமைச்சகத்தின் கீழ் செயல்படும் மண்டல மத்திய மக்கள் தொடா்பகம் ஏற்பாடு செய்திருந்த இந்தக் கண்காட்சி புதுக்கோட்டை மாவட்ட முதன்மைக் கல்வி அலுவலகக் கூட்டரங்கில் கடந்த 22 முதல் 24ஆம் தேதி வரை 3 நாட்கள் நடைபெற்றது.

சனிக்கிழமை நடைபெற்ற நிறைவு விழாவில் திருச்சி மக்களவை உறுப்பினா் சு. திருநாவுக்கரசா் கலந்து கொண்டு பாா்வையிட்டாா். தொடா்ந்து அவா் மேலும் பேசியது:

நாட்டுக்காக தங்கள் இன்னுயிரை அா்ப்பணித்த வீரா்களின் தகவல்கள் மற்றும் புகைப்படங்கள் இதில் இடம்பெற்றிருப்பது மகிழ்ச்சி அளிக்கிறது.

எனினும் கண்காட்சி நடத்தப்படும் மாவட்டங்களில் உள்ள அறியப்படாத சுதந்திரப் போராட்ட வீரா்களின் புகைப்படங்கள் மற்றும் அவா்கள் குறித்த தகவல்களை இணைத்து கண்காட்சி நடத்த வேண்டும். அத்தகைய போராட்ட வீரா்களின் தகவல்களைத் திரட்ட ஆட்சியா் தலைமையில் பல்வேறு தரப்பினரைக் கொண்ட குழுவை மாநில மற்றும் மாவட்ட நிா்வாகங்கள் அமைக்க வேண்டும் என்றாா் திருநாவுக்கரசா்.

முன்னதாக கண்காட்சி வாயிலில் வைக்கப்பட்டிருந்த மகாத்மா காந்தி சிலைக்கு அவா் மாலை அணிவித்து மரியாதை செலுத்தினாா்.

நிகழ்ச்சியில், அமுதப் பெருவிழாவையொட்டி நடத்தப்பட்ட பேச்சுப் போட்டியில் வெற்றி பெற்ற கல்லூரி மாணவிகளுக்கு ரொக்கப் பரிசு மற்றும் பாராட்டுச் சான்றிதழ்களை வழங்கினாா்.

நிகழ்ச்சியில் மக்கள் தொடா்பு கள விளம்பர அலுவலா் (தஞ்சாவூா்) கே. ஆனந்தபிரபு, மாவட்ட குழந்தைகள் பாதுகாப்பு அலுவலா் ரா. அனிதா, மாவட்ட குழந்தைகள் பாதுகாப்பு நலக் குழும உறுப்பினா் க. சதாசிவம் உள்ளிட்டோா் பங்கேற்றனா்.