புதுக்கோட்டை

பாஜகவால் சமூக, பொருளாதார, அரசியல் சீா்குலைவு

24th Sep 2022 12:36 AM

ADVERTISEMENT

பாஜக நாட்டின் சமூக, பொருளாதார, அரசியல் அம்சங்களை சீா்குலைத்திருக்கிறது என்றாா் இந்திய கம்யூனிஸ்ட் கட்சியின் மாநிலச் செயலா் இரா. முத்தரசன்.

இதுகுறித்து புதுக்கோட்டையில் வெள்ளிக்கிழமை அவா் அளித்த பேட்டி:

இந்திய கம்யூனிஸ்ட் கட்சியின் அகில இந்திய மாநாடு வரும் அக். 14 முதல் 18ஆம் தேதி வரை விஜயவாடாவில் நடைபெறவுள்ளது. இந்த மாநாட்டில் முன்வைக்கவுள்ள அரசியல் தீா்மானத்தை பாஜக உள்ளிட்ட அனைத்து அரசியல் கட்சிகளுக்கும் அனுப்பியிருக்கிறோம். அவா்களின் கருத்துகளையும் மாநாட்டில் முன்வைத்துப் பேசுவோம்.

கடந்த 8 ஆண்டுகளாக ஆட்சி நடத்தி வரும் பாஜக, நாட்டின் சமூக, பொருளாதார, அரசியல் அம்சங்களை எப்படியெல்லாம் சீா்குலைத்திருக்கிறது என்பதைத்தான் அந்த அரசியல் தீா்மானத்தில் சொல்லியிருக்கிறோம். இந்திய அரசியல் சாசனம் வழங்கியிருக்கும் ஒற்றுமை, ஒருமைப்பாடு, மதச்சாா்பின்மை அனைத்தும் காப்பாற்றப்பட வேண்டும்.

ADVERTISEMENT

திமுகவின் துணைப் பொதுச் செயலா் ஆ. ராசா, சனாதன தா்மமாக என்ன சொல்லப்பட்டிருக்கிறதோ அதையே குறிப்பிட்டுப் பேசுகிறாா். அந்தக் கருத்து தவறாக இருந்தால், சனாதன தா்மத்தை ஏற்கவில்லை என பாஜக, ஆா்எஸ்எஸ் அமைப்பினா் சொல்ல வேண்டும். ஏற்பதாக இருந்தால் அது எப்படி நாட்டின் அரசியல் சாசனத்துக்கு எதிராக இருக்கிறது என்பதை விளக்க வேண்டும். அதைவிடுத்து சிறை நிரப்பும் போராட்டம் நடத்தவுள்ளதாக கூறுகிறாா்கள்; வன்முறையைத் தூண்டுகிறாா்கள்; இதை அனுமதிக்க முடியாது.

பாஜக அரசு கொடுத்த தோ்தல் உறுதிமொழிகளை நிறைவேற்றவில்லை. அதை மறைப்பதற்காகத்தான் இதுபோன்ற வன்முறையைத் தூண்டும் வேலையைச் செய்கிறாா்கள்.

காந்தி பிறந்த நாளில், அவரைக் கொன்ற கோட்சேவின் அமைப்பான ஆா்எஸ்எஸ் அமைப்பு அணிவகுப்பு நடத்த நீதிமன்றம் அனுமதிக்கிறது என்றால், நாடு எங்கே போய்க் கொண்டிருக்கிறது என்பதை உணர வேண்டும்.

அதிமுகவில் தலைமைப் பதவிக்காக இங்கே சண்டை போட்டுக் கொண்டிருக்கும் அனைவரும் நடிகா்கள் மட்டுமேதான். இவா்களை இயக்கும் இயக்குநா் தில்லியில் (பாஜக) இருக்கிறாா் என்றாா் முத்தரசன்.

மாவட்ட நிா்வாகிகள் தோ்வு: இந்திய கம்யூனிஸ்ட் கட்சியின் மாவட்டக் குழு கூட்டம் மாவட்டக் குழு உறுப்பினா் ஏ. ராஜேந்திரன் தலைமையில் நடைபெற்றது. மாநிலச் செயலா் இரா. முத்தரசன், மாநிலச் செயற்குழு உறுப்பினா் க. சந்தானம், மாவட்டச் செயலா் த. செங்கோடன் உள்ளிட்டோா் பேசினா்.

அப்போது அண்மையில் நடைபெற்ற மாவட்ட மாநாட்டில் தோ்வு செய்யப்பட்டுள்ள புதிய மாவட்டக் குழு உறுப்பினா்கள் சோ்ந்து இதர நிா்வாகிகளைத் தோ்வு செய்தனா்.

துணைச் செயலா்களாக கே.ஆா். தா்மராஜன், ஏ. ராஜேந்திரன் ஆகியோரும், பொருளாளராக என். ஆா். ஜீவானந்தம், மாவட்ட நிா்வாகக் குழு உறுப்பினா்களாக ஏனாதி ஏ.எல். ராஜு, ஏ. ஜேசுராஜ், மு. மாதவன், கே. ராஜேந்திரன், எம். மீரா மொய்தீன், ஆா். இந்திராணி, எஸ். ராஜேந்திரன்ஆகியோரும் ஒரு மனதாகத் தோ்வு செய்யப்பட்டனா்.

ADVERTISEMENT
ADVERTISEMENT