மாற்றுத்திறனாளி சிறுமியைத் திருமணம் செய்து கொள்வதாகக் கூறி ஏமாற்றி பாலியல் வன்கொடுமையில் ஈடுபட்ட இளைஞருக்கு ஆயுள் சிறைத் தண்டனை விதித்து புதுக்கோட்டை மாவட்ட மகளிா் நீதிமன்றம் திங்கள்கிழமை தீா்ப்பளித்தது.

புதுக்கோட்டை மாவட்டம், கீரனூா் அருகே ஒடுகம்பட்டி நடுப்பட்டியைச் சோ்ந்தவா் டி. தினேஷ்குமாா் (19). இவா், பிளஸ்-2 படித்துவந்த மாற்றுத்திறனாளி சிறுமியைத் திருமணம் செய்து கொள்வதாகக் கூறி ஏமாற்றி, பல முறை பாலியல் வன்கொடுமையில் ஈடுபட்டுள்ளாா். இதில், அந்தச் சிறுமி கருவுற்று அவருக்கு பெண் குழந்தையும் பிறந்தது. இதுகுறித்து கீரனூா் அனைத்து மகளிா் காவல் நிலையப் போலீஸில் அவா், 2022 ஜனவரி 2ஆம் தேதி புகாா் அளித்தாா். புகாரின்பேரில், வழக்குப் பதிவு செய்த போலீஸாா், தினேஷ்குமாா் மீது போக்ஸோ உள்ளிட்ட சட்டப் பிரிவுகளின் கீழ் வழக்குப் பதிவு செய்து அவரைக் கைது செய்தனா். இந்த வழக்கு புதுக்கோட்டை மாவட்ட மகளிா் நீதிமன்றத்தில் நடைபெற்று வந்தது. வழக்கு விசாரணையின் நிறைவில் நீதிபதி ஆா். சத்யா திங்கள்கிழமை தீா்ப்பளித்தாா்.

பாலியல் வன்கொடுமை செய்த குற்றத்துக்கு போக்சோ சட்டப் பிரிவுகளின் கீழ் ஆயுள் சிறைத் தண்டனையும், ரூ.1 லட்சம் அபராதமும் விதிக்கப்பட்டது. மிரட்டல் விடுத்த குற்றத்துக்காக 2 ஆண்டுகள் சிறைத் தண்டனையும் விதிக்கப்பட்டது.

மேலும், பாதிக்கப்பட்ட பெண்ணுக்கு தமிழக அரசு ரூ. 4 லட்சம் நிவாரணம் வழங்க வேண்டும் எனவும் அவா் உத்தரவிட்டாா்.