ஒருங்கிணைந்த வேளாண்மை வளா்ச்சித் திட்டம் தொடக்கம்

விராலிமலை வட்டாரத்தில் பூதகுடி உள்பட 8 ஊராட்டிகளில் திங்கள்கிழமை கலைஞரின் அனைத்து கிராம ஒருங்கிணைந்த வேளாண் வளா்ச்சித் திட்டம் தொடங்கிவைக்கப்பட்டது.

விராலிமலை வட்டாரத்தில் பூதகுடி, விராலூா், கத்தலூா், இராஜகிரி, நம்பம்பட்டி, இராஜாளிப்பட்டி,

மண்டையூா், கொடும்பாளூா் ஆகிய 8 ஊராட்சிகள் தோ்வு செய்யப்பட்டுள்ளன.

இ.மேட்டுப்பட்டி ஊராட்சி ஒன்ரிய தொடக்கப் பள்ளியில் நடைபெற்ற திட்ட தொடக்க விழாவுக்கு, பூதகுடி ஊராட்சி மன்றத் தலைவா் உமா மகேஸ்வரி முருகேசன் தலைமை வகித்தாா். துணைத் தலைவா் ஆரோக்யம்மாள் பவுல்ராஜ் முன்னிலை வகித்தாா். விழாவில், பூதகுடி ஊராட்சியில் தோ்ந்தெடுக்கப்பட்ட பயனாளிகளுக்கு நலத்திட்ட உதவிகள் வழங்கப்பட்டன. இதில் ஊராட்சி மன்றத் தலைவா் உமா மகேஸ்வரி முருகேசன், துணைத் தலைவா் ஆரோக்யம்மாள் பவுல்ராஜ், ஒன்றிய மேலாளா் கண்ணன் உள்ளிட்டோா் பங்கேற்றனா். விழா ஏற்பாடுகளை விராலிமலை வட்டார வேளாண்மை உதவி இயக்குநா் தமிழ்செல்வி செய்திருந்தாா்.