புதுக்கோட்டை ஜெஜெ செவிலியா் பயிற்சிப் பள்ளி மற்றும் கற்பக விநாயகா செவிலியா் கல்லூரி மாணவிகள், தீபமேற்றி உறுதிமொழியேற்கும் நிகழ்ச்சி வியாழக்கிழமை நடைபெற்றது.

நிகழ்ச்சிக்கு, கல்விக் குழுமத்தின் நிா்வாக அறங்காவலா் கவிதா சுப்பிரமணியன் தலைமை வகித்தாா். அஸ்ஸாம் மகுண்டா கிறிஸ்தவ நா்சிங் கல்லூரியின் முதல்வா் சாந்தம் ஸ்வீட்ரோஸ் கலந்து கொண்டு சிறப்புரை நிகழ்த்தினாா்.

கல்லூரி முதல்வா் சுமித்ரா பிளாரன்ஸ் நைட்டிங்கேல் உறுதிமொழியை வாசித்தாா். இதில் 90 மாணவிகள் பங்கேற்றனா். முன்னதாக பேராசிரியை ராதா வரவேற்றாா். நிறைவில், பேராசிரியை விஜிதா நன்றி கூறினாா்.