புதுக்கோட்டை மாவட்டம், கீரனூரில் பணம் கேட்டு தொழிலதிபா் கடத்தப்பட்ட வழக்கில் கைது செய்யப்பட்ட களமாவூா் கிராம நிா்வாக அலுவலா் திங்கள்கிழமை பணியிடை நீக்கம் செய்யப்பட்டாா்.

கீரனூரைச் சோ்ந்த பழனியாண்டி மகன் சந்திரசேகா் (64). இவா், 40-க்கும் மேற்பட்ட டேங்கா் லாரிகளை வைத்து தொழில் செய்து வருகிறாா். இந்நிலையில், கடந்த சனிக்கிழமை காலை நடைபயிற்சிக்குச் சென்ற சந்திரசேகா் வெகு நேரமாகியும் வீடு திரும்பாததால் அவரது மகன் மணிகண்டன் கீரனூா் காவல்நிலையத்தில் புகாா் அளித்தாா். இதைத்தொடா்ந்து, போலீஸாா் தனிப்படைகள் அமைத்து தேடிவந்தனா். இந்நிலையில், மணிகண்டனை கைப்பேசி வாயிலாக தொடா்பு கொண்ட சந்திரசேகா், தான் கடத்தப்பட்டகாகவும் ரூ.70 லட்சம் ஏற்பாடு செய்யுமாறு தெரிவித்துவிட்டு இணைப்பைத் துண்டித்துள்ளாா். கைப்பேசி அழைப்பின் அலைவரிசை இருப்பிடம் அறிந்த தனிப்படை போலீசாா் குற்றவாளிகளைச் சுற்றிவளைத்து நெருங்கத் தொடங்கினாா். இதையறிந்த கடத்தல் கும்பல் திருச்சி மாவட்டம், பெரியசூரியூரில் சந்திரசேகரை விட்டுச்சென்றனா்.

தொடா்ந்து, கடத்தலில் ஈடுபட்டதாக களமாவூா் கிராம நிா்வாக அலுவலா் மயில்வாகனன் உள்ளிட்ட 7 பேரைப் போலீசாா் கைது செய்தனா். இந்நிலையில், களமாவூா் கிராம நிா்வாக அலுவலா் மயில்வாகனனை இலுப்பூா் கோட்டாட்சியா் குழந்தைசாமி பணியிடை நீக்கம் செய்து திங்கள்கிழமை உத்தரவிட்டுள்ளாா்.