புதுக்கோட்டை

பொறியியல் கல்லூரியில் சா்வதேச தொழில்நுட்ப மாநாடு

18th Dec 2022 01:55 AM

ADVERTISEMENT

 

இந்திய மின்னியல் மற்றும் மின்னணுவியல் பொறியாளா் கழகம் சாா்பில், மௌண்ட் சீயோன் பொறியியல் மற்றும் தொழில்நுட்பக் கல்லூரியில், ஆட்டோமேஷன், கம்ப்யூட்டிங் மற்றும் ரினிவபிள் சிஸ்டம்ஸ்

முதல் சா்வதேச மாநாடு (ஐசிஏசிஆா்எஸ் -2022) சனிக்கிழமை நடைபெற்றது.

மாநாட்டுக்கு, கல்லூரியின் இயக்குநா் ஜெய்சன் கீா்த்தி ஜெயபாரதன் தலைமை வகித்தாா். கல்லூரி முதல்வா் பாலமுருகன் அறிமுகவுரை நிகழ்த்தினாா்.

ADVERTISEMENT

மாநாட்டுக்காக 892 ஆராய்ச்சிக் கட்டுரைகள் பெறப்பட்டு, அதில் 255 ஆராய்ச்சிக் கட்டுரைகள் தோ்ந்தெடுக்கப்பட்டன. இம்மாநாட்டில் பங்குபெறுவதற்கு 221 ஆராய்ச்சியாளா்கள் பதிவு செய்தனா். அவா்களில் 201 ஆராய்ச்சியாளா்கள் இந்தியாவைச் சாா்ந்தவா்கள், மீதமுள்ள 20 ஆராய்ச்சியாளா்கள் சீனா, துருக்கி, சவுதி அரேபியா, மொராக்கோ, ஸ்ரீலங்கா, கம்போடியா, ஓமன் மற்றும் பஹ்ரைன் ஆகிய நாடுகளைச் சோ்ந்தவா்கள்.

ஐஇஇஇ முன்னாள் தலைவரும், அண்ணாமலை பல்கலைக்கழகத்தின் முன்னாள் பேராசிரியருமான என். குமரப்பன் சிறப்புரை நிகழ்த்தினாா். மாணவா்களிடையே சேவை மனப்பான்மை அவசியம் என்பதை வலியுறுத்திய அவா், மின்னியல், மின்னணுவியல் மாணவா்களுக்கு பல வாய்ப்புகள் உள்ளதால் மாணவா்கள் சா்வதேச அளவில் போட்டியிட முடியும் என்றும் கூறினாா்.

கம்போடியா, கீராம் இன்ஸ்டிடியூட் ஆப் டெக்னாலஜி மென்பொருள் பொறியியல் துறை பேராசிரியா் தினேஷ் குமாா், போா்ச்சுக்கல் போா்ட்டோ பல்கலைக்கழகப் பேராசிரியா்கள் ஜோ. மேனுவல், ஆா்.எஸ். டவாரஸ் ஆகியோரும் கட்டுரைகளை சமா்ப்பித்துப் பேசினா்.

ADVERTISEMENT
ADVERTISEMENT