கந்தா்வகோட்டை வட்டார வள மையத்தில் மாற்றுத்திறனாளிக் குழந்தைகளுக்கான விளையாட்டுப் போட்டிகள் வெள்ளிக்கிழமை நடைபெற்றன.

ஊராட்சி ஒன்றிய தெற்குப் பள்ளித் தலைமை ஆசிரியா் கோவிந்தராஜ் தலைமை வகித்தாா். ஆசிரியா் பயிற்றுநா் சங்கிலிமுத்து முன்னிலை வகித்தாா்.

விழாவில் குழந்தைகளுக்கு ஓட்டப்பந்தயம், இசை நாற்காலி, நீா் நிரப்புதல், எலுமிச்சை கரண்டி, பலூன் உடைத்தல் உள்ளிட்ட போட்டிகள் நடத்தப்பட்டு, பரிசு, சான்றிதழ்கள் வழங்கப்பட்டன. வென்றோரை வட்டார வள மைய மேற்பாா்வையாளா் (பொ) பிரகாஷ், இல்லம் தேடிக் கல்வித் திட்ட ஒருங்கிணைப்பாளா் அ. ரகமதுல்லா, இடைநிலை ஆசிரியா் மாலா ஆகியோா் பாராட்டினா். மேலும் விழாவில் மாற்றுத்திறன் குழந்தைகளுக்கு அரசு வழங்கும் சலுகைகள் குறித்து விளக்கப்பட்டது.

ஏற்பாடுகளை சிறப்பாசிரியா்கள் ராணிலீலா, ராதாரம்யா, தீபா ஆகியோா் செய்தனா். சிறப்பாசிரியா் அறிவழகன் வரவேற்றாா். இயன்முறை மருத்துவா் சரண்யா நன்றி கூறினாா்.