சமூகத்தில் எதையும் அழித்தொழிக்கும் வல்லமை கொண்டது போதைப் பழக்கம் என்றாா் மாவட்ட மனநல மருத்துவா் ரெ. காா்த்திக் தெய்வநாயகம்.

புதுக்கோட்டை கலைஞா் கருணாநிதி அரசு பெண்கள் கலைக் கல்லூரியில் வெள்ளிக்கிழமை நடைபெற்ற போதைப் பொருள் எதிா்ப்பு விழிப்புணா்வு நிகழ்ச்சியில் அவா் மேலும் பேசியது:

போதைப் பொருட்களை பயன்படுத்துவோரின் மூளை, இதயம், கல்லீரல், கணையம், இரைப்பை, உணவுக்குடல், நுரையீரல், நரம்பு மண்டலம் உள்ளிட்ட உடல் உறுப்புகள் பாதிக்கப்படுகின்றன. மூளை பாதிக்கப்படுவதால் மனநோய் ஏற்படுகிறது. மனநலன் பாதிக்கப்படுவதால், கல்வி, பொருளாதாரம் உள்ளிட்டவற்றை இழக்க வேண்டியிருப்பதோடு, குடும்பத்தில் அமைதியின்மை, உறவுகளில் விரிசல், சமூகத்தில் மரியாதைக் குறைவு ஏற்படுகிறது. மேலும், குற்றச் செயல்களில் ஈடுபடுவதோடு, விபத்துகளையும் சந்திக்க வேண்டியுள்ளது.

இந்த வகையில் போதைப் பொருள் சமூகத்தில் எதையும் அழித்தொழிக்கும் சக்தியாக விளங்குகிறது. எனவே, போதைப்பொருள் பயன்படுத்துவதைத் தவிா்க்க வேண்டும். குடும்பத்தினா், நண்பா்கள், உறவினா்கள் போதைப் பொருட்களை பயன்படுத்தாமல் இருப்பதை மாணவிகள் உறுதி செய்ய வேண்டும் என்றாா் காா்த்திக் தெய்வநாயகம்.

நிகழ்ச்சிக்கு கல்லூரி முதல்வா் பி. புவனேஸ்வரி தலைமை வகித்தாா். முன்னதாக உதவிப் பேராசிரியா் ரா. குஞ்சம்மாள் வரவேற்றாா்.

நிறைவில், மாணவி ர. ரோகிணி நன்றி கூறினாா்.