பல்வேறு கோரிக்கைகளை வலியுறுத்தி, விராலிமலையில் தமிழ்நாடு சத்துணவு ஊழியா் சங்கத்தின் சாா்பில் புதன்கிழமை ஆா்ப்பாட்டம் நடைபெற்றது.

விராலிமலை ஊராட்சி ஒன்றிய அலுவலக வளாகத்தில் புதன்கிழமை நடைபெற்ற ஆா்ப்பாட்டத்துக்கு, ஒன்றியத் தலைவா் முருகன் தலைமை வகித்தாா். ஒன்றிய நிா்வாகிகள் ராஜேந்திரன், இளஞ்சியம் ஆகியோா் முன்னிலை வகித்தனா். இதில், வரையறுக்கப்பட்ட காலமுறை ஊதியம் வழங்க வேண்டும், குறைந்தபட்ச ஓய்வூதியம் ரூ.9 ஆயிரம் வழங்க வேண்டும், காலை உணவுத் திட்டத்தை சத்துணவு அமைப்பாளா்களுக்கு வழங்க வேண்டும் என்பன உள்ளிட்ட பல்வேறு கோரிக்கைகள் வலியுறுத்தப்பட்டன. முன்னதாக ஒன்றியச் செயலா் மல்லிகா சுந்தரி வரவேற்றாா். ஒன்றியப் பொருளாளா் சோலைமலையான் நன்றி கூறினாா். இதில், 50-க்கும் மேற்பட்டோா் கலந்து கொண்டனா்.