புதுக்கோட்டை புத்தகத் திருவிழாவில் ரூ. 1 லட்சத்துக்கும் மேல் நூல்கள் வாங்கி முதலிடம் பெற்ற பொன்னமராவதி அமல அன்னை மெட்ரிக். மேல்நிலைப்பள்ளிநிா்வாகிகளுக்கு ஆட்சியா் விருது வழங்கிப் பாராட்டினாா்.

புதுக்கோட்டை மாவட்ட நிா்வாகம், தமிழ்நாடு அறிவியல் இயக்கம் இணைந்து நடத்திய புத்தகத் திருவிழா ஜூலை 29 முதல் ஆக. 7 வரை நடைபெற்றது. இதில், மாவட்டம் முழுவதும் இருந்து பள்ளி மாணவா்கள் பங்கேற்று நூல்கள் வாங்கிப் பயனடைந்தனா். இதில் ரூ. 1 லட்சத்துக்கும் மேல் நூல்கள் வாங்கி நூல்கள் தேடும் பயணத்தில் முதலிடம் பெற்ற பொன்னமராவதி அமல அன்னை மெட்ரிக். மேல்நிலைப்பள்ளிக்கு அதற்கான விருதை பள்ளி முதல்வா் ச.ம. மரியபுஷ்பத்திடம் ஞாயிற்றுக்கிழமை நடைபெற்ற நிறைவுவிழாவில் புதுக்கோட்டை ஆட்சியா் கவிதா ராமு வழங்கிப் பாராட்டினாா்.

விழாவில், ஓய்வுபெற்ற நீதிபதி சந்துரு, விஜய் தொலைக்காட்சி நிகழ்ச்சி தொகுப்பாளா் கோபிநாத், கவிஞா் தங்கம்மூா்த்தி மற்றும் புத்தகத் திருவிழா குழுவினா் பங்கேற்றனா்.