புதுக்கோட்டை

அதிவிரைவுப் படையினருக்கு துப்பாக்கி சுடும் போட்டி

25th Oct 2021 12:03 AM

ADVERTISEMENT

புதுக்கோட்டை நாா்த்தாமலை அருகேயுள்ள பசுமலைப்பட்டியில் உள்ள துப்பாக்கிச் சுடும் பயிற்சித் தளத்தில் காவல்துறை அதிவிரைவுப் படையினருக்கான துப்பாக்கிகளைக் கையாளும் போட்டி ஞாயிற்றுக்கிழமை நடைபெற்றது.

திருச்சி மத்திய மண்டல காவல்துறைத் தலைவரின் இரு அதிவிரைவுப்படை அணிகள், திருச்சி சரக காவல் துணைத் தலைவரின் இரு அதிவிரைவுப்படை அணிகள், திருச்சி மாவட்டக் காவல் கண்காணிப்பாளா் மற்றும் புதுக்கோட்டை மாவட்டக் காவல் கண்காணிப்பாளா் ஆகியோரின் தலா ஓா் அதிவிரைவுப்படை அணிகள் என மொத்தம் 6 அதிவிரைவுப் படை அணிகள் கலந்து கொண்டன.

ஏகே 47, எஸ்எல்ஆா், ஐஎன்எஸ்ஏஎஸ், 9எம்எம் கைத்துப்பாக்கி ஆகிய 4 வகைத் துப்பாக்கிகளை இந்த அதிவிரைவுப் படையினா் கையாளும் போட்டி தனித்தனியே நடத்தப்பட்டது.

சிறப்பாக துப்பாக்கிகளைக் கையாண்ட அணிகளுக்கு மத்திய மண்டல காவல்துறைத் தலைவா் வி. பாலகிருஷ்ணன் பரிசுகளை வழங்கிப் பாராட்டினாா். ஏற்பாடுகளை மாவட்டக் காவல் கண்காணிப்பாளா் நிஷா பாா்த்திபன், ஆயுதப்படை துணைக் காவல் கண்காணிப்பாளா் முருகராஜ் ஆகியோா் செய்திருந்தனா்.

ADVERTISEMENT

 

ADVERTISEMENT

MORE FROM THE SECTION

ADVERTISEMENT