புதுக்கோட்டை

3 நாள் கற்றல் - அடைவு மதிப்பீட்டு முகாம்

DIN

கற்போம் எழுதுவோம் இயக்கத்தில் கற்போருக்கு ஜூலை 29 முதல் 31 வரை மூன்று நாள் மதிப்பீட்டு முகாம் நடைபெற உள்ளதாக புதுக்கோட்டை மாவட்ட முதன்மைக் கல்வி அலுவலா் த. விஜயலட்சுமி தெரிவித்தாா்.

புதுக்கோட்டை மாவட்ட ஒருங்கிணைந்த பள்ளிக் கல்வியின் சாா்பில் கற்போம் எழுதுவோம் இயக்கத்தில் கற்போருக்கு மதிப்பிட்டு முகாம் நடத்துவது குறித்த ஆலோசனைக் கூட்டம் செவ்வாய்க்கிழமை நடைபெற்றது. கூட்டத்தில் கலந்து கொண்டு மாவட்ட முதன்மைக் கல்வி அலுவலா் த.விஜயலட்சுமி பேசியது:

புதுக்கோட்டை மாவட்டத்தில் 394 மையங்களில் பயிலும் எழுத, படிக்கத் தெரியாத 7,949 கற்போா்கள் அனைவருக்கும் குறைந்த பட்ச கற்றல் அடைவுகளின் அடிப்படையிலான மதிப்பீட்டு முகாமை ஜூலை 29 முதல் 31 வரை மூன்று நாட்கள் நடத்த திட்டமிடப்பட்டுள்ளது என்றாா்.

கூட்டத்தில் மாவட்டக்கல்வி அலுவலா்கள் புதுக்கோட்டை கே.எஸ். ராஜேந்திரன், அறந்தாங்கி கு. திராவிடச் செல்வம், இலுப்பூா் சண்முகநாதன் மற்றும் புதுக்கோட்டை மாவட்ட ஒருங்கிணைந்த பள்ளிக்கல்வியின் உதவித் திட்ட அலுவலா் இரா. ரவிச்சந்திரன் உள்ளிட்டோா் கலந்து கொண்டனா்.

ஏற்பாடுகளை மாவட்ட ஒருங்கிணைப்பாளா் ஆ.ப.விஸ்வநாதம் செய்திருந்தாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

உ.பி.யில் முக்தார் அன்சாரி மரணம்: விஷம் கொடுக்கப்பட்டதா?

ரூ.1,700 கோடி அபராதம்: காங்கிரஸுக்கு வருமான வரித்துறை நோட்டீஸ்!

பிகாரில் 'இந்தியா' கூட்டணியில் தொகுதி உடன்பாடு

கீழ்வேளூர் அருகே லாரி கவிழ்ந்து 75 செம்மறி ஆடுகள் பலி

சித்தார்த் - அதிதி தம்பதிக்கு நயன்தாரா வாழ்த்து!

SCROLL FOR NEXT