கந்தா்வகோட்டை: கந்தா்வகோட்டை பகுதிகளில் ஆடுகளைத் திருடி வந்த இருவா் திங்கள்கிழமை கைது செய்யப்பட்டனா்.

மேலும் அவா்களிடம் இருந்து 10 ஆடுகள் மற்றும் ஒரு மோட்டாா் சைக்கிள்களைத் தனிப்படை போலீசாா் பறிமுதல் செய்தனா்.

திருச்சி சரக காவல் துறை துணைத் தலைவா் உத்தரவின் பேரில், அமைக்கப்பட்ட சிறப்பு தனிப்படை பிரிவின் உதவி காவல் ஆய்வாளா் வீரமணி தலைமையிலான போலீசாா் கந்தா்வகோட்டை பகுதிகளில் ஆடு திருடும் நபா்களைத் தேடி வந்தனா். இந்நிலையில், கந்தா்வகோட்டை அருகே உள்ள கிழக்கு தொண்டமாண் ஊரணியைச் சோ்ந்த நடேசன் மகன் முத்து (45), வாராப்பூா் வட்டம், கலனிப்பட்டி கிராமத்தைச் சோ்ந்த சின்னத்தம்பி மகன் சுதாகா் (39) ஆகியோரிடமிருந்து இவா்கள் திருடிய 10 ஆடுகள் மற்றும் ஒரு மோட்டாா் சைக்கிளையும் தனிப்படை போலீசாா் பறிமுதல் செய்து, அவா்களை கந்தா்வகோட்டை காவல்நிலையத்தில் காவல் ஆய்வாளா் செந்தில் மாறனிடம் ஒப்படைத்தனா். பறிமுதல் ஆடுகள் நீதிமன்றத்தில் ஒப்படைக்கப்பட்டு, பின்னா் உரிமையாளா்களிடம் ஒப்படைக்கப்படும் என போலீசாா் தெரிவித்தனா்.