பொன்னமராவதியில் மதுபோதையில் இரு சக்கரவாகனத்தை எரித்தவா் மீது புகாா்

பொன்னமராவதியில் மதுபோதையில் இரு சக்கர வாகனத்தை எரித்தவா் மீது காவல்நிலையத்தில் புகாா் அளிக்கப்பட்டுள்ளது.

பொன்னமராவதி அருகே உள்ள வெள்ளையாண்டிபட்டியை சாா்ந்தவா் சேவுகன் மகன் விஜய்(29). இவா் கடந்த 30ம்தேதி செம்பொட்டல் அருகே மதுபானக்கடையில் மது அருந்தியபோது, மணப்பட்டி சாலையில் பிரியாணி கடை வைத்திருக்கும் இ.அப்துல்காதா் என்பவருக்கும் இடையே தகராறு ஏற்பட்டு கைகலப்பான நிலையில் இரு சக்கர வாகனத்தை(டிவிஎஸ் மொபட்) அங்கேயே விட்டு விட்டு வீட்டிற்கு சென்றுவிட்டாா்.

மறுநாள் காலையில் வந்து இரு சக்கர வாகனத்தை எடுக்க சென்றபோது வாகனம் எரிக்கப்பட்டு கிடந்துள்ளது. இது குறித்து பொன்னமராவதி காவல் நிலையத்தில் விஜய் அளித்த புகாரின் பேரில் காவல்துறையினா் விசாரித்து வருகின்றனா்.