புதுக்கோட்டை

மக்கள் தொடா்பு முகாமில் ரூ.32.27 லட்சம் நலத்திட்ட உதவிகள்

22nd Feb 2020 09:09 AM

ADVERTISEMENT

பொன்னமராவதி வட்டம், ஒலியமங்களம் ஊராட்சியில் வெள்ளிக்கிழமை நடைபெற்ற மக்கள் தொடா்பு முகாமில், 258 பயனாளிகளுக்கு ரூ 32.27 லட்சம் மதிப்பிலான நலத்திட்ட உதவிகள் வழங்கப்பட்டன.

இந்த முகாமுக்கு மாவட்ட வருவாய் அலுவலா் பெ.வே.சரவணன் தலைமை வகித்து, பல்வேறு கோரிக்கைகள் தொடா்பாக பொதுமக்கள் அளித்த 185 மனுக்களை பெற்றுக் கொண்டாா். இதை சம்பந்தப்பட்ட துறை அலுவலா்களிடம் வழங்கி, விசாரணை அடிப்படையில் நடவடிக்கை எடுக்கவும் அவா் வலியுறுத்தினாா்.

பொதுமக்கள் சாா்பில், போட்டித் தோ்வுகளுக்கு மாணவா்கள் தயாராகும் வகையில் கூடுதலாக நூல்கள் வழங்கவும், பேருந்து வசதி செய்து தரவும் வலியுறுத்தப்பட்டது.

தொடா்ந்து பல்வேறு உதவித் தொகைகள், பட்டா மாறுதல், வேளாண் கருவிகள் என பல்துறைகளின் சாா்பில், 258 பயனாளிகளுக்கு ரூ.32.27 லட்சம் மதிப்பிலான நலத்திட்ட உதவிகளை மாவட்ட வருவாய் அலுவலா் வழங்கினாா்.

ADVERTISEMENT

முகாமுக்கு மாவட்ட சமூகப் பாதுகாப்புத் திட்ட அலுவலா் கிருஷ்ணன், இலுப்பூா் வருவாய்க் கோட்டாட்சியா் டெய்சிக்குமாா், ஆகியோா் முன்னிலை வகித்தனா். பொன்னமராவதி வட்டாட்சியா் ஆ.திருநாவுக்கரசு வரவேற்றாா்.

பொன்னமராவதி வேளாண் உதவி இயக்குநா் ச.சிவராணி, சமூகப் பாதுகாப்புத் திட்ட வட்டாட்சியா் சங்கரகாமேசுவரன், வட்டாரக்கல்வி அலுவலா் ராஜாசந்திரன் உள்ளிட்ட பல்துறை அலுவலா்கள், தங்களது துறைசாா்ந்த அரசின் திட்டங்களை விளக்கிப் பேசினா்.

முகாமில் துணை வட்டாட்சியா்கள் ராஜா, வெள்ளைச்சாமி, ஒன்றியக்குழு உறுப்பினா் வி.சிவரஞ்சனி, ஊராட்சித்தலைவா் சோலையம்மாள், வருவாய் ஆய்வாளா் இளஞ்சியம் உள்ளிட்டோா் பங்கேற்றனா். நிறைவில், கிராம நிா்வாக அலுவலா் ராஜேசுவரி நன்றி கூறினாா்.

 

 

ADVERTISEMENT
ADVERTISEMENT