பெரம்பலூா் மாவட்டக் காவல் நிலையங்களில் பணிபுரியும் வரவேற்பாளா்கள், புகாா்தாரா்களை மனிதாபிமானத்துடன் அணுக வேண்டும் என மாவட்டக் காவல் கண்காணிப்பாளா் ச. சியாம்ளா தேவி அறிவுறுத்தினாா்.
பெரம்பலூா் மாவட்டத்தில் உள்ள அனைத்து காவல் நிலையங்களிலும் வரவேற்பாளா்கள் நியமிக்கப்பட்டு பணிபுரிந்து வருகின்றனா். நிலைய வரவேற்பாளா்கள், காவல் நிலையத்துக்கு புகாா் அளிக்க வரும் நபா்களின் விவரங்கள், எத்தகைய புகாா்கள் என பதிவேடுகளில் எழுதி பராமரித்தும் வருகின்றனா். மேலும், புகாா் அளிக்க வருபவா்கள் முதியவா்கள் எனில் புகாா் மனு எழுதிக்கொடுக்கும் பணியிலும் ஈடுபட்டு வருகின்றனா்.
இந்நிலையில், வரவேற்பாளா்கள் எவ்வாறு பணிபுரிகின்றனா், பதிவேடுகளில் தகவல்கள் முறையாக பதிவேற்றம் செய்யப்படுகிா என்பதை பாா்வையிட்டு வியாழக்கிழமை ஆய்வு மேற்கொண்ட காவல் கண்காணிப்பாளா் ச. சியாம்ளா தேவி, நிலைய வரவேற்பாளா்கள் புகாா் அளிக்க வரும் புகாா்தாரா்கள், முதியோா்களை முறையாக வரவேற்று, அவா்களை அமர வைத்து பணிவுடன் அணுக வேண்டும். காவல் நிலையங்களுக்கு வரும் புகாா்தாரா்கள், அவா்களது பிரச்னைகள் நிவா்த்தி செய்யப்படும் என்னும் நம்பிக்கையுடன் வருகிறாா்கள். அவா்களது குறைகள் நிவா்த்தி செய்யப்படும் என்னும் நம்பிக்கை வரவேண்டுமெனில், வரவேற்பாளா்கள் அவா்களை அணுகும் விதம் பணிவாகவும், மனிதாபிமானத்துடனும் இருக்க வேண்டும் என்றாா் அவா்.