பெரம்பலூா் மாவட்டக் காவல்துறை சாா்பில், மாவட்டக் காவல் கண்காணிப்பாளா் அலுவலகம் மற்றும் காவல் நிலையங்களில் தீண்டாமை ஒழிப்பு தின உறுதி மொழி திங்கள்கிழமை ஏற்கப்பட்டது.

பெரம்பலூா் மாவட்டக் காவல் கண்காணிப்பாளா் அலுவலகத்தில் தீண்டாமை ஒழிப்பு தினத்தையொட்டி, மாவட்டக் காவல் கண்காணிப்பாளா் எஸ். ஷ்யாம்ளாதேவி தலைமையில், தீண்டாமை ஒழிப்பு உறுதிமொழி ஏற்கப்பட்டது. இதில், கூடுதல் கண்காணிப்பாளா்கள் மதியழகன், பாண்டியன், துணைக் கண்காணிப்பாளா் வளவன் மற்றும் ஆய்வாளா்கள் வெங்கடேஷ்வரன், விஜயலெட்சுமி உள்பட காவல்துறையினா் பலா் கலந்துகொண்டனா். இதேபோல, மாவட்டத்திலுள்ள அனைத்து காவல் நிலையங்களிலும் தீண்டாமை ஒழிப்பு உறுதிமொழி ஏற்கப்பட்டது.

பெரம்பலூா் மாவட்ட ஆட்சியா் அலுவலக கூட்டரங்கில், மாவட்ட வருவாய் அலுவலா் நா. அங்கையற்கண்ணி தலைமையில் தீண்டாமை ஒழிப்பு உறுதிமொழி ஏற்கப்பட்டது. இந்நிகழ்ச்சியில், சமூக பாதுகாப்புத் திட்ட தனித்துணை ஆட்சியா் சரவணன், மாவட்ட ஆட்சியரின் நோ்முக உதவியாளா் (பொது) தி. சுப்பையா, மகளிா் திட்ட இயக்குநா் கருப்புசாமி உள்பட அரசு அலுவலா்கள் பலா் கலந்துகொண்டனா்.