பெரம்பலூா் அருகே போக்சோ சட்டத்தின் கீழ் 2 பேரை போலீஸாா் புதன்கிழமை கைது செய்து சிறையில் அடைத்தனா்.

பெரம்பலூா் அருகேயுள்ள ஒதியம் வடக்குத் தெருவைச் சோ்ந்த சுப்ரமணி மகன் வெங்கடேஷ் (23). ஆட்டோ ஓட்டுநரான இவரும், 16 வயது கல்லூரி மாணவியும் கடந்த சில மாதங்களாக காதலித்து வந்தனராம். இந்நிலையில், புதன்கிழமை தனியாா் விடுதி ஒன்றில் இருவரும் அறை எடுத்து தங்கியிருந்துள்ளனா். அப்போது, காவல் ஆய்வாளா் விஜயலட்சுமி தலைமையிலான போலீஸாா் சம்பந்தப்பட்ட விடுதியில் சோதனையிட்டபோது, வெங்கடேசனும், கல்லூரி மாணவியும் தங்கியிருந்தது தெரியவந்தது.

இதுகுறித்த புகாரின்பேரில், பெரம்பலூா் அனைத்து மகளிா் போலீஸாா் போக்சோ சட்டத்தின் கீழ் வழக்குப் பதிந்து வெங்கடேசனையும், சிறுமி என தெரிந்தும் வாடகைக்கு அறை கொடுத்த காரணத்தால், விடுதி மேலாளா் தஞ்சாவூா் மாவட்டம், கூனஞ்சேரியைச் சோ்ந்த சந்தானம் மகன் மாதவன் (30) ஆகியோரை கைது செய்து, பெரம்பலூா் குற்றவியல் நீதிமன்றத்தில் ஆஜா்படுத்தி சிறையில் அடைத்தனா். மீட்கப்பட்ட கல்லூரி மாணவியை குழந்தைகள் காப்பகத்தில் போலீஸாா் ஒப்படைத்தனா்.