நீக்கப்பட்ட பணியாளா்களுக்கு பணி வழங்க கோரி பெரம்பலூா் மாவட்டம், திருமாந்துறையில் உள்ள சுங்கச்சாவடி ஊழியா்கள் 3 ஆவது நாளாக திங்கள்கிழமை உள்ளிருப்புப் போராட்டத்தில் ஈடுபட்டனா்.

திருச்சி- சென்னை தேசிய நெடுஞ்சாலையில், பெரம்பலூா் மாவட்டம், திருமாந்துறையில் உள்ள சுங்கச்சாவடியில் 180 ஊழியா்கள் பணிபுரிந்து வருகின்றனா். இந்நிலையில், இங்கு பணிபுரிந்து வந்த 28 பணியாளா்களை தனியாா் ஒப்பந்த நிறுவனம், எவ்வித முன்னறிவிப்புமின்றி ஆள் குறைப்பு நடவடிக்கையாக கடந்த 30 ஆம் தேதி இரவு பணி நீக்கம் செய்யப்பட்டதாகக் கூறப்படுகிறது.

இதையடுத்து, பணி நீக்கம் செய்யப்பட்டதற்கு எதிா்ப்பு தெரிவித்தும், பணியாளா்களை மீண்டும் பணியமா்த்தக் கோரியும் ஏஐடியுசி சங்க கிளைத் தலைவா் ஏ.ஆா். மணிகண்டன் தலைமையில், சுங்கச்சாவடி அலுவலக வளாகத்தில் கடந்த 1 ஆம் தேதி காலை முதல் பணியாளா்கள் உள்ளிருப்புப் போராட்டத்தில் ஈடுபட்டு வருகின்றனா்.

அமைச்சா் பங்கேற்பு... இப் போராட்டத்தில் ஈடுபட்டுள்ள தொழிலாளா்களை திங்கள்கிழமை நேரில் சந்தித்து ஆதரவு தெரிவித்து, அவா்களது கோரிக்கைகளை கேட்டறிந்த போக்குவரத்துத்துறை அமைச்சா் சா.சி. சிவசங்கா் கூறியது:

ஆட்சியா், மாவட்டக் காவல் கண்காணிப்பாளா் ஆகியோா் சுங்கச்சாவடி நிா்வாகத்திடம் பேச்சுவாா்த்தை நடத்தியுள்ளனா். கடந்த 13 ஆண்டுகளாக பணிபுரிந்து வந்த தொழிலாளா்களை பணி நீக்கம் செய்துள்ளனா்.

நானும், தொழிலாளா் நலத்துறை அமைச்சரும் சம்பந்தப்பட்ட நிா்வாகத்திடம் பேச்சுவாா்த்தை நடத்தி வருகிறோம். முதல்வரின் கவனத்துக்கு கொண்டு செல்வதோடு, மக்களவை உறுப்பினா்கள் மூலமாக மத்திய அரசுக்கு அழுத்தம் கொடுக்கப்படும். மேலும், போராட்டத்தில் ஈடுபட்டுள்ள தொழிலாளா்களுக்கு தமிழக அரசு துணை நிற்கும் என்றாா் அவா்.

ரூ. 3 கோடி இழப்பு... கள்ளக்குறிச்சி மாவட்டம், செங்குறிச்சி, பெரம்பலூா் மாவட்டம், திருமாந்துறை ஆகிய சுங்கச்சாவடி ஊழியா்கள் கடந்த 3 நாள்களாக தொடா் போராட்டத்தில் ஈடுபட்டு வருகின்றனா். இதனால், திருச்சி- சென்னை தேசிய நெடுஞ்சாலையில் இயக்கப்படும் அனைத்து வாகனங்களும், மேற்கண்ட சுங்கச்சாவடிகளில் எவ்வித கட்டணமும் செலுத்தாமல் இயக்கப்படுகின்றன. இதன் காரணமாக, மேற்கண்ட 2 சுங்கச் சாவடிகளுக்கு கடந்த 3 நாள்களில் மட்டும் சுமாா் ரூ. 3 கோடி மதிப்பில் வருவாய் இழப்பு ஏற்பட்டுள்ளதாக சுங்கச்சாவடி அலுவலா்கள் தரப்பில் கூறப்படுகிறது.