பெரம்பலூா் மாவட்டம், எறையூரில் திங்கள்கிழமை சிப்காட் தொழில் பூங்காவை திறந்துவைத்த முதல்வா் மு.க.ஸ்டாலின், ஃபீனிக்ஸ் கோத்தாரி காலணி பூங்காவுக்கும் அடிக்கல் நாட்டினாா்.
தமிழக அரசின் நிகழ் நிதியாண்டுக்கான நிதிநிலை அறிக்கையில் கோயம்புத்தூா், பெரம்பலூா், மதுரை, வேலூா், திருவள்ளூா் ஆகிய மாவட்டங்களில் தொழில் துறை வளா்ச்சியை ஊக்குவிக்கும் வகையில், புதிய தொழில் பூங்காக்கள் அமைக்கப்படும் என அறிவிக்கப்பட்டது.
இதையடுத்து, பொருளாதாரத்தில் பின்தங்கிய எறையூரில் 243.49 ஏக்கா் பரப்பளவில் தொழில் பூங்கா அமைக்கப்பட்டுள்ளது. இங்கு நடைபெற்ற விழாவில், தொழில் பூங்காவை திறந்துவைத்த முதல்வா், ஃபீனிக்ஸ் கோத்தாரி காலணி பூங்காவுக்கும் அடிக்கல் நாட்டினாா்.
12 புரிந்துணா்வு ஒப்பந்தங்கள்: கோத்தாரி ஃபீனிக்ஸ் அக்காா்டு நிறுவனத்துடன் ரூ. 1,700 கோடி மதிப்பிலான 2 புரிந்துணா்வு ஒப்பந்தங்கள் கையொப்பமிடப்பட்டன. இதன் மூலம், 25 ஆயிரம் பேருக்கு வேலைவாய்ப்பு கிடைக்கும் எனக் கூறப்படுகிறது.
மேலும், தைவான் நாட்டைச் சோ்ந்த 10 தொகுப்பு நிறுவனங்களுடன் ரூ. 740 கோடி முதலீட்டில், 4,500 பேருக்கு வேலைவாய்ப்பு வழங்கும் வகையில் தமிழக அரசுடன் புரிந்துணா்வு ஒப்பந்தங்கள் பரிமாறிக் கொள்ளப்பட்டன.
இதுவரை மேற்கொள்ளப்பட்ட 12 புரிந்துணா்வு ஒப்பந்தங்களின் மூலம், ரூ. 2,440 கோடி முதலீடு ஈா்க்கப்படுவதுடன், 29,500 பேருக்கு வேலைவாய்ப்பு உருவாக்கப்பட உள்ளதாக கூறப்படுகிறது.
இந்த 12 புரிந்துணா்வு ஒப்பந்தங்களையும் சோ்த்து, எதிா்காலத்தில் பெரம்பலூா் மாவட்டத்தில் அமையவுள்ள தோல் அல்லாத காலணி மற்றும் அதன் தொகுப்புத் தொழில் நிறுவனங்களின் மூலம் ரூ. 5 ஆயிரம் கோடி முதலீடு ஈா்க்கப்படுவதோடு, 50 ஆயிரம் பேருக்கு வேலைவாய்ப்பு உருவாகும் என்றும் எதிா்பாா்க்கப்படுவதாக அரசு வட்டாரங்கள் தெரிவித்தன.
விழாவில், அமைச்சா்கள் கே.என். நேரு, தங்கம் தென்னரசு, சா. சி. சிவசங்கா், அன்பில் மகேஸ் பொய்யாமொழி, சி.வி. கணேசன், மக்களவை உறுப்பினா்கள் ஆ. ராசா (நீலகிரி), தொல். திருமாவளவன் (சிதம்பரம்), தொழில் முதலீட்டு ஊக்குவிப்பு மற்றும் வா்த்தகத்துறை கூடுதல் தலைமைச் செயலா் ச. கிருஷ்ணன், தமிழ்நாடு வழிகாட்டி நிறுவனத்தின் மேலாண்மை இயக்குநா் பூஜா குல்கா்னி, தமிழ்நாடு தொழில் முன்னேற்ற நிறுவனத்தின் மேலாண்மை இயக்குநா் எ. சுந்தரவல்லி, பெரம்பலூா் மாவட்ட ஆட்சியா் ப. ஸ்ரீ. வெங்கடபிரியா, தமிழ்நாடு தொழில் முன்னேற்ற நிறுவனத்தின் செயல் இயக்குநா் நிஷாந்த் கிருஷ்ணா உள்பட பலா் கலந்து கொண்டனா்.