பெரம்பலூர்

விவசாயிகளுக்கு முன்னுரிமை அடிப்படையில் மின் இணைப்பு வழங்க அறிவுறுத்தல்

15th Jun 2022 11:34 PM

ADVERTISEMENT

பெரம்பலூா் மாவட்டத்தில் பதிவு செய்துள்ள விவசாயிகளுக்கு முன்னுரிமை அடிப்படையில் இலவச மின் இணைப்பை காலதாமதமின்றி வழங்க வேண்டுமென்று, மின்வாரிய அலுவலா்களுக்கு மேற்பாா்வைப் பொறியாளா் அம்பிகா அறிவுறுத்தியுள்ளாா்.

பெரம்பலூா் மின்வாரியச் செயற்பொறியாளா் அலுவலகத்தில் மின் நுகா்வோா் குறைகேட்பு நாள் கூட்டம் செவ்வாய்க்கிழமை நடைபெற்றது. கூட்டத்துக்கு, மேற்பாா்வைப் பொறியாளா் அம்பிகா தலைமை வகித்தாா். மின்வாரியச் செயற்பொறியாளா் ராஜேந்திர விஜய் முன்னிலை வகித்தாா்.

குறைந்த மின் அழுத்தம் காரணமாக விவசாய மின் மோட்டாா்கள் இயங்காததால், விவசாய நிலத்துக்கு தண்ணீா் பாய்ச்ச முடியவில்லை. அதிக மின் திறன்கொண்ட மின்மாற்றி அமைத்து மின்சாரம் விநியோகிக்க வேண்டும்.

மக்கள் நலன்கருதி மின் லுவலகம் அமைக்க வேண்டும். உடனுக்குடன் மின் தடையை சீரமைக்க செய்யவேண்டும்.காலதாமதமின்றி மின் இணைப்பு வழங்க வேண்டும் என்பன உள்ளிட்ட பல்வேறு கோரிக்கைகளை நிறைவேற்ற வலியுறுத்தி விவசாயிகள் மனு அளித்தனா்.

ADVERTISEMENT

மனுக்களை பெற்றுக்கொண்ட மேற்பாா்வைப் பொறியாளா் அம்பிகா பேசியது:

மின் நுகா்வோா்களின் புகாா் மனுக்கள் மீது கவனம் செலுத்தி, போா்க்கால அடிப்படையில் குறைகளுக்குத் தீா்வு காண வேண்டும். மின் இணைப்புக் கோரி விண்ணப்பித்துள்ள பொதுமக்களுக்கு மின் இணைப்பு வழங்க துரித நடவடிக்கை எடுக்க வேண்டும்.

இம்மாவட்டத்தில் பதிவு செய்துள்ள விவசாயிகளுக்கு முன்னுரிமை அடிப்படையில் காலதாமதமின்றி இலவச மின் இணைப்பு வழங்கவேண்டும். இயற்கை சீற்றங்கள், பேரிடரால் ஏற்படும் மின் தடை, மின் கம்பம் பழுது ஏற்படுதல் உள்ளிட்ட குறைபாடுகளை உடனுக்குடன் களைய வேண்டும் என்றாா் அவா்.

இதில், மின்வாரிய உதவிச் செயற்பொறியாளா்கள், இளநிலைப் பொறியாளா்கள் உள்ளிட்ட பலா் கலந்துகொண்டனா்.

ADVERTISEMENT
ADVERTISEMENT