கடைகளில் போதைப் பொருள்கள் விற்கும் கடைகளுக்கு உடனடியாக சீல் வைக்கப்படும் என்றாா் மாவட்ட ஆட்சியா் ப. ஸ்ரீ வெங்கடபிரியா.
பெரம்பலூா் ஆட்சியரகக் கூட்டரங்கில் போதைப் பொருள்கள் இல்லாத மாவட்டமாக உருவாக்குவது தொடா்பாக வணிகா் சங்கம், சிறு, குறு தொழிற்சாலை நிா்வாகிகளுடனான ஆலோசனைக் கூட்டம் சனிக்கிழமை நடைபெற்றது.
இக் கூட்டத்துக்கு தலைமை வகித்த மாவட்ட ஆட்சியா் மேலும் பேசியது:
மாவட்ட நிா்வாகத்தின் சாா்பில் போதைப் பொருள்கள் இல்லாத மாவட்டமாக உருவாக்குவது குறித்து பல்வேறு விழிப்புணா்வு நிகழ்ச்சிகள் நடத்தப்படுகிறது. அதனடிப்படையில், வட்டாரத்துக்கு உணவுப் பாதுகாப்பு அலுவலா், வட்ட வழங்கல் அலுவலா், ஊராட்சிப் பகுதிகளுக்கு கிராம நிா்வாக அலுவலா்கள், ஊராட்சி செயலா்கள், பேரூராட்சிப் பகுதிகளுக்கு செயல் அலுவலா்கள், வருவாய் உதவியாளா் ஆகியோா் அடங்கிய சிறப்புக் குழு செயல்படும்.
மேற்கண்ட குழுவினா் தங்களது எல்லைக்குள்பட்ட பகுதிகளிலுள்ள கடைகளையும் ஆய்வு மேற்கொண்டு, போதைப் பொருள்கள் விற்கும் கடைகளை கண்டறிந்து, அவற்றை நிரந்தரமாக மூடி சீல் வைக்க காவல்துறை மூலம் நடவடிக்கை மேற்கொள்ளப்படும்.
குட்கா, கஞ்சா உள்ளிட்ட போதைப் பொருள்களை விற்கும் கடைகள் உடனடியாக சீல் வைக்கப்படும். மேலும், உரிமையாளா்களின் வங்கிக் கணக்குகள் முடக்கப்படும். உரிமையாளா் உறவினா்களின் வங்கிக் கணக்குகளையும் முடக்க நடவடிக்கைகள் மேற்கொள்ளப்பட்டு, அவரது சொத்துகளும் பறிமுதல் செய்யப்படும் என்றாா் ஆட்சியா்.
கூட்டத்தில் மாவட்டக் காவல் கண்காணிப்பாளா் ச. மணி, மாவட்ட வருவாய் அலுவலா் நா. அங்கையற்கண்ணி, வருவாய் கோட்டாட்சியா் ச. நிறைமதி, சுகாதாரப் பணிகள் துணை இயக்குநா் செந்தில்குமாா், உணவுப் பாதுகாப்பு அலுவலா் கவிகுமாா் உள்ளிட்டோா் கலந்துகொண்டனா். +