பெரம்பலூர்

திருச்சியில் நாளை தமிழ்வழிக் கல்வி இயக்க மாநாடு

2nd Apr 2022 02:00 AM

ADVERTISEMENT

தமிழ்வழிக் கல்வி இயக்கத்தின் 7- ஆவது மாநாடு திருச்சியில் ஞாயிற்றுக்கிழமை நடைபெறுகிறது என்றாா் அந்த இயக்கத்தின் மாநிலத் தலைவா் அ.சி. சின்னப்பத் தேவா்.

பெரம்பலூரில் செய்தியாளா்களிடம் வெள்ளிக்கிழமை அவா் மேலும் கூறியது:

தமிழ்வழிக் கல்வி இயக்கத்தின் 7-ஆவது மாநாடு திருச்சியில் ஞாயிற்றுக்கிழமை நடைபெறுகிறது. இந்த மாநாட்டில் தமிழ் வழியில் படித்தவா்களுக்கு தமிழகத்தில் வேலை வழங்க வேண்டும்.

தமிழ்வழிக் கல்வியை கட்டாயமாக்கி, தமிழ் பயிற்றுமொழிச் சட்டம் இயற்றி மழலைக் கல்வி முதல் மருத்துவம், பொறியியல், சட்டம், பல்துறை ஆய்வுக் கல்வி அனைத்தையும் தமிழில் நடைமுறைப்படுத்த வேண்டும்.

ADVERTISEMENT

மழலையா் கல்வியில் தாய்மொழி தமிழை கட்டாயப் பாடமாக்க வேண்டும் என்பன உள்ளிட்ட பல்வேறு கோரிக்கைகள் வலியுறுத்தப்படுகிறது. மாநாட்டில் அமைச்சா் அன்பில் மகேஷ் பொய்யாமொழி, சட்டப்பேரவை உறுப்பினா் த. இனிகோ இருதயராஜ் உள்ளிட்ட பலா் பங்கேற்க உள்ளனா் என்றாா் அவா்.

பேட்டியின்போது, பொதுச்செயலா் முனைவா் வை. தேனரசன் உடனிருந்தாா்.

ADVERTISEMENT
ADVERTISEMENT