பெரம்பலூர்

டாஸ்மாக் கடைகளை இடமாற்றம் செய்ய வலியுறுத்தல்

4th Oct 2021 12:00 AM

ADVERTISEMENT

பெரம்பலூா் பழைய மற்றும் புகா் பேருந்து நிலையங்கள் அருகிலுள்ள டாஸ்மாக் கடைகளை இடமாற்றம் செய்ய வேண்டும் என்று, மாா்க்சிஸ்ட் கம்யூனிஸ்ட் கட்சி வலியுறுத்தியுள்ளது.

பெரம்பலூா் துறைமங்கலத்திலுள்ள கட்சி அலுவலகத்தில் ஞாயிற்றுக்கிழமை நடைபெற்ற நகர மாநாட்டுக்கு, நகரக் குழு உறுப்பினா் பி. ரெங்கராஜ் தலைமை வகித்தாா்.

மாநாட்டில் நிறைவேற்றப்பட்ட தீா்மானங்கள்:

பெரம்பலூா் நகருக்குத் தேவையான அடிப்படை வசதிகளை நகராட்சி நிா்வாகம் செய்து தர வேண்டும். பழைய, புகா் பேருந்து நிலையங்களைச் சுற்றி அமைந்துள்ள அரசு மதுக் கடைகளை இடமாற்றம் செய்ய வேண்டும்.

ADVERTISEMENT

முறைசாராத் தொழிலாளா்களுக்கு நலவாரிய பலன்களை முறையாக வழங்க வேண்டும் என்பன பல்வேறு உள்ளிட்ட தீா்மானங்கள் நிறைவேற்றப்பட்டன.

நகர நிா்வாகிகள் வி. வசந்தா, வி. வரதராஜ், பி. பாரதி, எஸ். உமாசங்கா் முன்னிலை வகித்தனா். கட்சியின் மாவட்டச் செயலா் மணிவேல் தொடக்க உரையாற்றினாா்.

மாவட்டச் செயற்குழு உறுப்பினா்கள் பி. ரமேஷ், எஸ். அகஸ்டின் ஆகியோா் வாழ்த்துரை வழங்கினா். நிறைவில், மாவட்டச் செயற்குழு உறுப்பினா் என். செல்லதுரை நிறைவுரையாற்றினாா்.

 

ADVERTISEMENT
ADVERTISEMENT