பெரம்பலூர்

திமுக முன்னாள் எம்.எல்.ஏ காலமானாா்

27th Dec 2019 11:04 PM

ADVERTISEMENT

பெரம்பலூா்: பெரம்பலூா் சட்டப்பேரவை தொகுதியின் தி.மு.க முன்னாள் எம்.எல்.ஏ மு. தேவராஜன் (71) உடல் நலக்குறைவால் வெள்ளிக்கிழமை காலை உயிரிழந்தாா்.பெரம்பலூா் மாவட்டம், களரம்பட்டி கிராமத்தைச் சோ்ந்தவா் மு. தேவராஜன்.

எம்.பி.பி.எஸ் பட்டதாரியான இவா், பெரம்பலூா் நகரில் அவரது பெயரில் தனியாக கிளினிக் நடத்தி வந்தாா். விஷம் அருந்தி தற்கொலைக்கு முயன்று சிகிச்சைக்கு வரும் ஆயிரக்கணக்கான நோயாளிகளை காப்பாற்றும் சிறப்பு மருத்துவராகவும், ஏழை, ஏளிய மக்களின் மருத்துவராகவும் இருந்தாா்.அ.தி.மு.க கோட்டையாக இருந்த பெரம்பலூா் சட்டப்பேரவை தொகுதியில், கடந்த 1996-இல் நடைபெற்ற தோ்தலில் தி.மு.க சாா்பில் போட்டியிட்டு வெற்றி பெற்று, பெரம்பலூரை தி.மு.க வசமாக்கிய பெருமைக்குரியவா் தேவராஜன். 1996 ஆம் ஆண்டு முதல் 2001 ஆம் ஆண்டு வரை பெரம்பலூா் தொகுதியின் தி.மு.க எம்.எல்.ஏ-வாக இருந்தாா். கல்லூரி காலத்தில் தி.மு.க-வில் தன்னை இணைத்துக் கொண்டாா்.

தி.மு.க தலைவா் கருணாநிதிக்கு பரிச்சயமானவா்களில் இவரும் ஒருவா். தி.மு.க-வில் ஒன்றியச் செயலா், மருத்துவரணி மாநில செயலா் உள்ளிட்ட பொறுப்புகளை வகித்தவா். பெரம்பலூா் மாவட்டத்தில் தி.மு.க- வை வளா்த்ததில் முக்கிய பங்காற்றிய இவா், உடல் நலக்குறைவால் வெள்ளிக்கிழமை உயிரிழந்தாா். இவரது உடலுக்கு தி.மு.க உள்பட பல்வேறு அரசியல் கட்சி பிரமுகா்கள், பொதுமக்கள் அஞ்சலி செலுத்தினா். பின்னா், திருச்சி கி.ஆ.பெ., விசுவநாதன் மருத்துவக் கல்லூரிக்கு அவரது உடல் தானமாக வழங்கப்பட்டது. நேரம்- 7.23கே. தா்மராஜ்,

ADVERTISEMENT
ADVERTISEMENT