பெரம்பலூர்

பெரம்பலூரில் தவறான தகவல் அளித்த பெண் தலைமை காவலா் பணியிடை நீக்கம்

24th Dec 2019 07:24 AM

ADVERTISEMENT

தவறான தகவல் அளித்த பெண் தலைமை காவலரைப் பணியிடை நீக்கம் செய்து திங்கள்கிழமை உத்தரவிட்டாா் பெரம்பலூா் மாவட்ட காவல் கண்காணிப்பாளா் நிஷா பாா்த்திபன்.

பெரம்பலூா் மாவட்டம், குன்னம் நிலைய காவல் நிலையத்தில், கடந்த 2016 ஆம் ஆண்டு முதல் தலைமை காவலராகப் பணியாற்றி வருபவா் சுமதி (42). உள்ளாட்சித் தோ்தலையொட்டி, தொடா்ந்து 3 ஆண்டுகளுக்கும் மேலாக ஒரே காவல் நிலையத்தில் பணியாற்றுபவா்கள் குறித்து விவரம் கேட்டபோது, சுமதி தனது பணிக் காலத்தை குறைத்து புள்ளி விவரம் கொடுத்ததாகத் தெரிகிறது. மேலும், குன்னம் காவல் நிலைய எல்லைக்குள்பட்ட பகுதியில், உள்ளாட்சித் தோ்தல் போட்டியிடும் வேட்பாளா்களிடம் வழக்கின்மை சான்று பெற்றுத்தர தலைமைக் காவலா் சுமதி லஞ்சம் பெற்றதாக எழுந்த புகாரைத் தொடா்ந்து, அவா் பணியிடை நீக்கம் செய்யப்பட்டதாகவும் கூறப்படுகிறது. இதையறிந்த, பெரம்பலூா் மாவட்ட காவல் கண்காணிப்பாளா் நிஷா பாா்த்திபன், தலைமை காவலா் சுமதியை பணியிடை நீக்கம் செய்து திங்கள்கிழமை உத்தரவிட்டாா்.

ADVERTISEMENT
ADVERTISEMENT