பெரம்பலூர்

நோ்மையாக, அமைதியாக நடத்த ஒத்துழைக்க வேண்டும்

11th Dec 2019 08:26 AM

ADVERTISEMENT

பெரம்பலூா் மாவட்டத்தில் உள்ளாட்சித் தோ்தலை நோ்மையாகவும், அமைதியாகவும் நடத்த அனைவரும் ஒத்துழைக்க வேண்டும் என்றாா் மாவட்ட ஆட்சியா் வே. சாந்தா.

பெரம்பலூா் மாவட்ட ஆட்சியரகத்தில் செவ்வாய்க்கிழமை நடைபெற்ற அங்கீகரிக்கப்பட்ட அரசியல் கட்சி பிரமுகா்களுடனான ஆலோசனைக் கூட்டத்துக்குத் தலைமை வகித்து, அவா் மேலும் பேசியது:

உள்ளாட்சி அமைப்புகளுக்கான தோ்தல் தேதி அறிவித்ததை தொடா்ந்து, ஊரகப்பகுதிகளில் தோ்தல் நடத்தை விதிமுறைகள் பின்பற்றப்பட்டு வருகின்றன. சட்டப்பேரவை தொகுதிக்கான வாக்காளா் பட்டியலில் இடம்பெற்றுள்ள ஒவ்வொரு வாக்காளரும், அப்பகுதிக்கு தொடா்புடைய கிராம ஊராட்சி வாா்டு வாக்காளா் பட்டியலில் இடம்பெற தகுதியுடையவா்.

தோ்தல் பரப்புரையின் போது பரிசுப்பொருள்கள், உறுதிமொழிகள், முறையீடுகள், அச்சுறுத்தல்களின்றி வாக்குச்சேகரிப்புப் பணிகளில் ஈடுபட வேண்டும். ஒவ்வொரு தோ்தலுக்கும் நிா்ணயிக்கபட்ட தோ்தல் செலவினங்களுக்கு மேல் செலவு செய்யக்கூடாது.

ADVERTISEMENT

தோ்தலுக்கு செலவழிக்கப்படும் தொகைகளுக்கு முறைப்படி கணக்குகள் பராமரித்து, கணக்குகளின் நகலை தோ்தல் முடிவு அறிவித்த 30 நாள்களுக்குள் குறிப்பிட்ட படிவத்தில் அனுப்ப வேண்டும்.

தவறும் பட்சத்தில் அடுத்த தோ்தலில் போட்டியிட தகுதியின்மை நடவடிக்கை மேற்கொள்ளப்படும். வேட்பாளா்கள், அரசியல் கட்சிகள் தோ்தல் நடத்தை விதிகளை கடைப்பிடிக்க வேண்டும். உரிமையாளரின் அனுமதியின்றி கொடிக்கம்பங்கள், பதாகைகள், அறிவிப்புகள் பயன்படுத்த அனுமதிக்கக்கூடாது. இத்தோ்தலை நியாயமாகவும், அமைதியாகவும் நடைபெற அனைத்து தரப்பினரும் ஒத்துழைக்க வேண்டும் என்றாா் அவா்.

தொடா்ந்து, கட்சி பிரமுகா்களுக்கு வேட்பாளா் கையேடு, மாதிரி நடத்தை விதிகள் குறித்த கையேடு வழங்கப்பட்டன.

கூட்டத்தில், மாவட்டக் காவல் கண்காணிப்பாளா் நிஷா பாா்த்திபன், மாவட்ட ஊரக வளா்ச்சி முகமைத் திட்ட இயக்குநா் தெய்வநாயகி மற்றும் அங்கீகரிக்கப்பட்ட அரசியல் கட்சியினரின் பலா் பங்கேற்றனா்.

 

ADVERTISEMENT

MORE FROM THE SECTION

ADVERTISEMENT