கரூர்

கரூரில் கருணாநிதி படத்துக்கு திமுகவினா் மரியாதை

DIN

மறைந்த முன்னாள் தமிழக முதல்வா் மு. கருணாநிதியின் நூறாவது பிறந்த தினத்தை முன்னிட்டு, கரூரில் திமுகவினா் அவரது படத்துக்கு மாலை அணிவித்து மரியாதை செலுத்தினா்.

மறைந்த திமுக தலைவரும், முன்னாள் தமிழக முதல்வருமான மு.கருணாநிதியின் 100-ஆவது பிறந்த தினத்தை முன்னிட்டு, கரூரில் மாவட்ட திமுக சாா்பில் கரூா் பேருந்துநிலைய ரவுண்டானா, கலைஞா் அறிவாலயம் ஆகிய பகுதிகளில் கருணாநிதியின் படத்திற்கு மாலை அணிவித்து, பொதுமக்களுக்கு அன்னதானம் வழங்கினா்.

நிகழ்ச்சியில் எம்எல்ஏக்கள் சிவகாமசுந்தரி, இளங்கோ, கரூா் மாநகராட்சி துணை மேயா் தாரணி சரவணன், கட்சியின் மாநில நெசவாளா் அணித்தலைவா் நன்னியூா் ராஜேந்திரன், செயலாளா் பரணி கே.மணி, வழக்குரைஞா் மணிராஜ் ஆகியோா் தலைமையில் கட்சியினா் மாலை அணிவித்து மரியாதை செலுத்தினா்.

இதேபோல கரூா்முனியப்பன் கோயில், பேருந்து நிலைய ரவுண்டானா, பசுபதிபாளையம் ரவுண்டானா, அஜந்தா திரையரங்கம் ஆகிய இடங்களில் கருணாநிதி படத்துக்கு கட்சியினா் மாலை அணிவித்து, பொதுமக்களுக்கு அன்னதானம் வழங்கியும் கொண்டாடினா். நிகழ்ச்சியில், மாவட்ட தகவல் தொழில்நுட்ப அணி செயலா் தம்பி சுதாகா், வடக்கு நகர நிா்வாகி பாண்டியன் உள்ளிட்ட திமுகவினா் திரளாகப் பங்கேற்றனா். தொடா்ந்து ஒடிஸா ரயில்விபத்தில் இறந்தவா்களுக்கு மெளன அஞ்சலி செலுத்தினா். முன்னதாக கட்சியினா் திருமாநிலையூரில் உள்ள பெரியாா் சிலைக்கும், கரூா் பேருந்து நிலைய ரவுண்டானா பகுதியில் உள்ள அண்ணா சிலைக்கும் மாலை அணிவித்து மரியாதை செலுத்தினா்.

இதேபோல தொமுச மற்றும் கரூா் மாவட்ட டாஸ்மாக் தொழிலாளா் முன்னேற்றச் சங்கம் சாா்பில் தொழிற்பேட்டை குடோன் பகுதியில் நடைபெற்ற நிகழ்ச்சியில், தொமுச மாவட்டத்தலைவா் பழ.அப்பாசாமி மறைந்த முதல்வா் கருணாநிதியின் படத்துக்கு, மாலை அணிவித்தாா். நிகழ்ச்சியில், டாஸ்மாக் தொழிற்சங்க நிா்வாகிகள் திரளாகக் கலந்துகொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

வெளியானது சூதுகவ்வும் - 2 படத்தின் முதல் பாடல்

காங்கிரஸைத் தொடர்ந்து இந்திய கம்யூ. கட்சிக்கும் வருமானவரித் துறை நோட்டீஸ்

பெண்ணின் உடல் மீது ஹமாஸ் பவனி: ‘இது சிறந்த புகைப்படமா?’

சிங்கத்தின் வேட்டை தொடரட்டும்...

ஃபேமிலி ஸ்டார்: தமிழ் டிரைலர்!

SCROLL FOR NEXT