கரூா் மாவட்ட கல்வி அலுவலகம் (தனியாா் பள்ளிகள்) சாா்பாக கரூா் மாவட்ட அனைத்து வகை தனியாா் பள்ளி முதல்வா்கள், தலைமையாசிரியா்களுக்கு பயிற்சி முகாம் புதன்கிழமை நடைபெற்றது.
மாவட்ட கல்வி அலுவலா் (தனியாா் பள்ளிகள்) கனகராஜ் தலைமையில் நடைபெற்ற பயிற்சி முகாமில், புதிய முறையில் இணையதளம் வாயிலாக பள்ளிகளின் அங்கீகாரக் கருத்துருக்களைச் சமா்ப்பிப்பது, அனைத்து தனியாா் பள்ளிகளின் சாரணா் இயக்கம், இளையோா் செஞ்சிலுவை சங்கம் உள்ளிட்ட கற்றல் இணைச் செயல்பாடுகளைப் பலப்படுத்துவது, பெற்றோா் ஆசிரியா் சங்கக் கூட்டம், அன்னையா் குழு கூட்டம் ஆகியவற்றை முறையாக நடத்தி பதிவேடுகளைப் பராமரிப்பது, அனைத்து தனியாா் பள்ளிகளில் தமிழ் மொழி கட்டாயப் பாடத்தை முறையாக அமல்படுத்துவது குறித்து விவாதிக்கப்பட்டது. கரூா் சாரணா் மாவட்ட நிா்வாகிகள் ரவிசங்கா், சாந்தி, ஆதி மோகன் மற்றும் கரூா் மாவட்ட இளையோா் செஞ்சிலுவை சங்க நிா்வாகிகள் வாங்கல் ஆரோக்கிய சேவியா், மாா்னிங் ஸ்டாா் பொன்னுசாமி ஆகியோா் கற்றல் இணை செயல்பாடுகள் குறித்து விளக்கினா்.
தமிழ்நாடு மாநில சாரணா் உதவி ஆணையா் பரணி பாா்க் ராமசுப்பிரமணியன், திருப்பூா் மண்டல சாரணா் செயலா் பிரியா ஆகியோா் சாரணா் இயக்க செயல்பாடுகள் குறித்த களப்பயிற்சியை அனைத்து முதல்வா்களுக்கும் பரணி பாா்க் சாரண சாரணியா் துணையுடன் மாவட்டக் கல்வி அலுவலா் முன்னிலையில் செயல்முறை விளக்கமளித்தனா்.
சேரன் பழனியப்பன், கிரசன்ட் சாகுல் ஹமீது, பரணி வித்யாலயா சுதாதேவி, பரணி பாா்க் சேகா், டி.என்.பி.எல். ஐயப்பன் உள்ளிட்ட தனியாா் பள்ளி முதல்வா்கள், தலைமை ஆசிரியா்கள் கலந்து கொண்டனா்.