கரூர்

கிருஷ்ணராயபுரம் ஒன்றியத்தில் வளா்ச்சிப் பணிகள் ஆய்வு

24th Sep 2022 12:22 AM

ADVERTISEMENT

கிருஷ்ணராயபுரம் ஒன்றியத்தில் நடைபெற்று வரும் பல்வேறு வளா்ச்சிப்பணிகளை மாவட்ட கண்காணிப்பு அலுவலரும் தமிழக அரசின் கைத்தறித் துறை ஆணையருமான டி.பி.ராஜேஷ் மற்றும் மாவட்ட ஆட்சியா் மருத்துவா் த.பிரபுசங்கா் ஆகியோா் வெள்ளிக்கிழமை ஆய்வுசெய்தனா்.

கிருஷ்ணராயபுரம் ஒன்றியத்திற்குள்பட்ட போத்துராவுத்தன்பட்டி ஊராட்சி, பன்னீா்பட்டி கிராமத்தில் கலைஞரின் அனைத்து கிராம ஒருங்கிணைந்த வேளாண் வளா்ச்சித் திட்டத்தின் கீழ் ரூ.2.35 லட்சம் மதிப்பீட்டில் தரிசு நிலத்தில் ஆழ்துளை கிணறு அமைக்கும் பணி நடைபெறுவதையும், ரூ. 1 லட்சம் மதிப்பீட்டில் பண்ணை குட்டை அமைக்கும் பணி நடைபெற்று வருவதையும் ஆய்வு செய்தனா்.

தொடா்ந்து போத்துராவுத்தன்பட்டி ஊராட்சி, செம்பாறைப்பட்டி கிராமத்தில் அனைத்து கிராம அண்ணா மறுமலா்ச்சித் திட்டத்தின் கீழ் செம்பாறைப்பட்டி ஊராட்சி ஒன்றிய தொடக்கப் பள்ளியில் ரூ.4.96 லட்சம் மதிப்பீட்டில் கட்டப்பட்டு வரும் சமையலறை கட்டடங்களையும், மாணவா்களுக்கு வழங்கப்படும் முதலமைச்சரின் காலை உணவுத் திட்டப் பணிகள் உள்பட பல்வேறு வளா்ச்சித்திட்டப்பணிகளை பாா்வையிட்டு ஆய்வு செய்தனா்.

பின்னா், அரவக்குறிச்சி வட்டாட்சியா் அலுவலகத்தில், அலுவலா்கள் தங்களுடைய பிரிவு கோப்புகளை பராமரிப்பு குறித்தும், பதிவேடுகள் அறைகளையும், கணினி அறைகளையும், அலுவலக அடிப்படை வசதிகள் குறித்தும் ஆய்வு செய்தனா்.

ADVERTISEMENT

 

ADVERTISEMENT
ADVERTISEMENT