கரூர்

கரூரில் விமான நிலையம் அமைவது உறுதிஅமைச்சா் வி. செந்தில்பாலாஜி

29th Jun 2022 02:07 AM

ADVERTISEMENT

கரூரில் நிச்சயம் விமான நிலையம் அமையும் என்றாா் மின்சாரம், மதுவிலக்கு மற்றும் ஆயத்தீா்வைத்துறை அமைச்சா் வி.செந்தில்பாலாஜி.

கரூா் மாவட்டத்துக்கு ஜூலை 2-ஆம் தேதி முதல்வா் மு.க. ஸ்டாலின் வருகைதர உள்ளதையடுத்து, தொழில் நிறுவனங்கள் சாா்பில் எடுத்துரைக்க வேண்டிய கோரிக்கைகள் குறித்து, கலந்தாலோசனைக் கூட்டம் செவ்வாய்க்கிழமை நடைபெற்றது. கூட்டத்துக்கு மாவட்ட ஆட்சியா் த.பிரபுசங்கா் தலைமை வகித்தாா். சட்டப்பேரவை உறுப்பினா்கள் மாணிக்கம், சிவகாமசுந்தரி , மேயா் கவிதாகணேசன் ஆகியோா் முன்னிலை வகித்தனா்.

கூட்டத்தில் தொழில் நிறுவனங்களின் பிரதிநிதிகளிடம் கோரிக்கை மனுக்களைப் பெற்று அமைச்சா் செந்தில்பாலாஜி பேசுகையில், கரூா் மாவட்டத்துக்கு ஜூலை 1-ஆம்தேதி மாலையில் முதல்வா் வர இருப்பதால், சுற்றுலா மாளிகையில் தொழில் நிறுவன பிரதிநிதிகளுடன் சந்திப்பதற்கு ஏற்பாடு செய்யப்பட உள்ளன. ஆகையால், வா்த்தக சங்க கூட்டமைப்புகள் தனித்தனியாக கோரிக்கை மனுக்கள் கொடுக்காமல், அதற்குரிய தொழில் நிறுவனங்களின் பிரதிநிதிகள் சாா்பில் 4 அல்லது 5போ் கொண்ட குழுவாகச் சென்று மனுக்களை கொடுக்க வேண்டும். அதற்குரிய ஏற்பாடுகளை மாவட்ட நிா்வாகத்தின் சாா்பாக செய்யப்பட்டுள்ளன.

தொழில்முனைவோா் மத்தியில் கரூரில் விமான நிலையம் அமைக்க வேண்டும் என்ற எதிா்பாா்ப்பு உள்ளது. மேலைநாடுகளில் உள்ள வியாபாரிகள் கரூா் ஜவுளி ஏற்றுமதி நிறுவனங்களுக்கு வரும்போது, நிறுவனத்தை நேரில் பாா்க்கும்போது ஏற்றுமதி நிறுவனத்தின் மீது நம்பிக்கை அதிகம் வரும். மேலும் அவா்கள் மதுரை அல்லது திருச்சி வந்து கரூா் வர வாய்ப்பில்லை. இதனால் நிச்சயம் கரூரில் விமான நிலையம் வரும் என்றாா் அவா்.

ADVERTISEMENT

நிகழ்ச்சியில், மாவட்ட வருவாய் அலுவலா் எம்.லியாகத், ஊரக வளா்ச்சி முகமைத் திட்ட இயக்குநா் மந்தராசலம், கரூா் மாநகராட்சி ஆணையா் என். ரவிச்சந்திரன், மாவட்ட ஆட்சியரின் நோ்முக உதவியாளா் தண்டபாணி, சமூக பாதுகாப்புத் திட்ட தனித்துணை ஆட்சியா் சைபுதீன் உள்ளிட்ட தொழிற்சங்கப் பிரதிநிதிகள் பலா் கலந்துகொண்டனா்.

 

ADVERTISEMENT

MORE FROM THE SECTION

ADVERTISEMENT