கரூர்

பிளஸ் 1 அரசுப் பொதுத் தோ்வு முடிவுகள் வெளியீடு மாநில அளவில் பெரம்பலூா் மாவட்டம் முதலிடம்95.56 சதவீதம் தோ்ச்சி

28th Jun 2022 01:37 AM

ADVERTISEMENT

பிளஸ் 1 அரசுப் பொதுத் தோ்வில் 95.56 சதவீதம் தோ்ச்சி பெற்று, மாநில அளவில் பெரம்பலூா் மாவட்டம் முதலிடம் பிடித்துள்ளது.

பிளஸ் 1 வகுப்புக்கான பொதுத் தோ்வு முடிவுகள் திங்கள்கிழமை வெளியிடப்பட்டது. இதில், பெரம்பலுாா் மாவட்டத்திலுள்ள அரசுப் பள்ளிகள், அரசு உதவிபெறும் பள்ளிகள், தனியாா் பள்ளிகள் என மொத்தம் 79 பள்ளிகளைச் சோ்ந்த 3,922 மாணவா்களும், 3,740 மாணவிகளும் என மொத்தம் 7,662 மாணவ, மாணவிகள் பிளஸ் 1 தோ்வு எழுதினா்.

இவா்களில், 3,671 மாணவா்களும், 3,651 மாணவிகளும் என மொத்தம் 7,322 மாணவ, மாணவிகள் தோ்ச்சி பெற்றனா். இது 95.56 சதவீத தோ்ச்சியாகும்.

கவுள்பாளையம் அரசு மேல்நிலைப் பள்ளியும், வேப்பந்தட்டை அரசு மேல்நிலைப் பள்ளியும் 100 சதவீதம் தோ்ச்சி பெற்றுள்ளன.

ADVERTISEMENT

மேல்நிலைக் கல்வி பொதுத் தோ்வில் சிறப்பிடம்: பிளஸ் 2 அரசுப் பொதுத் தோ்வில் மாநில அளவில் முதலிடத்தையும், எஸ்எஸ்எல்சி அரசுப் பொதுத்தோ்வில் மாநில அளவில் 2 ஆவது இடமும், பிளஸ் 1 அரசுப் பொதுத் தோ்வில் மாநில அளவில் முதலிடத்தையும் பெரம்பலூா் மாவட்டம் பெற்றுள்ளது குறிப்பிடத்தக்கது.

ஆட்சியா் பாராட்டு... மாநில அளவில் மாவட்டம் முதலிடம் பெற

உழைத்த மாவட்ட முதன்மைக் கல்வி அலுவலா், மாவட்டக் கல்வி அலுவலா்கள், ஆசிரியா்கள், தோ்ச்சி பெற்றுள்ள மாணவ, மாணவிகளுக்கு வாழ்த்து தெரிவித்து ஆட்சியா் ப. ஸ்ரீ வெங்கடபிரியா கூறியது:

கரோனா பெருந்தொற்று முடிந்து பள்ளிகள் திறக்கப்பட்ட நிலையில், பள்ளிகளை எவ்வாறு நடத்த வேண்டும், மாணவ, மாணவிகளுக்கு எவ்வாறு கற்பிக்க வேண்டும் என பள்ளிக் கல்வித்துறை சாா்பில் அறிவுரைகள் வழங்கப்பட்டன. இதை ஆசிரியா்கள் முறையாக பின்பற்றினா். வாரம்தோறும் மாணவ, மாணவிகளுக்கு எழுத்துத் தோ்வு நடத்தப்பட்டு, தொடா்ந்து பயிற்சி அளித்ததே இந்த வெற்றிக்குக் காரணம் என்றாா் ஆட்சியா்.

ADVERTISEMENT

MORE FROM THE SECTION

ADVERTISEMENT