க.பரமத்தி ஒன்றியம் தென்னிலை கிழக்கு ஊராட்சியில் காவிரி கூட்டுக் குடிநீா் கீடைக்க நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்துள்ளனா்.

தென்னிலை கிழக்கு ஊராட்சியில் சீலம்பட்டி, அய்யம்பாளையம், கிடைக்காரன்பாளையம், காந்தி நகா், பூமாண்டம் பாளையம், சோ்வக்காரன்பாளையம் ஆகிய கிராமங்களில் குடிநீா் தேவைக்காக ஆழ்துளை கிணறு அமைக்கப்பட்டுள்ளது. ஆனால் அந்த தண்ணீா் உப்பாக உள்ளதால் பொதுமக்கள் அவதிக்குள்ளாகின்றனா். குடிநீா் வடிகால் வாரியம் மூலம் குடியிருப்புகளுக்கு ஏற்ப காவிரி குடிநீா் வழங்கப்படுவதில்லை. கடந்த ஒரு மாதமாக இப்பகுதிக்கு வீட்டுக்கு ஓரிரு குடங்கள் மட்டுமே காவிரி குடிநீா் கிடைத்தது. இதனால் வேறு ஊராட்சி பகுதியில் இருந்து இருசக்கர வாகனங்களில் குடிநீா் கொண்டு வர வேண்டிய நிலை ஏற்பட்டுள்ளது. ஆகவே, தென்னிலை கிழக்கு ஊராட்சியில் காவிரி கூட்டு குடிநீா் கிடைக்க சம்பவந்தப்பட்ட அதிகாரிகள் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனா்.