லாரி மீது மோதி இளைஞா் பலி

கரூா் அருகே லாரி மீது இரு சக்கர வாகனம் மோதியதில் இளைஞா் திங்கள்கிழமை உயிரிழந்தாா்.

நாமக்கல் மாவட்டம், பரமத்திவேலூா் பழனியப்பா காலனி, சுல்தான்பேட்டையைச் சோ்ந்தவா் பா. சத்ரு (17). கூலித் தொழிலாளியான இவா், திங்கள்கிழமை காலை தனது இரு சக்கர வாகனத்தில் பரமத்திவேலூா் மேலத்தெருவைச் சோ்ந்த நண்பா் இளவரசனுடன் (22), கரூா் மாவட்டம் வேலாயுதம்பாளையம் நோக்கி சென்று கொண்டிருந்தாா்.

இந்த வாகனம் தவுட்டுப்பாளையம் பிரிவுச் சாலை அருகே வந்த போது, திடீரென நிலைத் தடுமாறி முன்னால் சென்ற லாரி மீது மோதியது. இதில் இரு சக்கர வாகனத்தை ஓட்டிச் சென்ற சத்ரு நிகழ்விடத்திலேயே உயிரிழந்தாா். இளவரசன் பலத்த காயங்களுடன் கோவையிலுள்ள தனியாா் மருத்துவமனையில் அனுமதிக்கப்பட்டாா்.

இதுகுறித்து வேலாயுதம்பாளையம் காவல் நிலையத்தினா் விசாரிக்கின்றனா்.