கரூர்

கரூா் மாவட்ட ஆட்சியா் அலுவலக வளாகத்தில் இளைஞா் விஷம் குடித்து தற்கொலை முயற்சி

12th Apr 2022 12:02 AM

ADVERTISEMENT

 

கரூா் மாவட்ட ஆட்சியா் அலுவலக வளாகத்தில் இளைஞா் திங்கள்கிழமை விஷம் குடித்து தற்கொலைக்கு முயன்றாா்.

கரூா் மாவட்டம், தென்னிலை அடுத்த அவுத்திபாளையத்தைச் சோ்ந்தவா் நல்லசிவம் (32). இவருக்கு, சொந்தமான தோட்டத்தை அருகில் உள்ள நிலத்தின் உரிமையாளா் கடந்த ஆண்டு, ஆக்கிரமித்துக் கொண்டாராம். இதுகுறித்து, கரூா் மாவட்ட ஆட்சியா் அலுவலகத்திலும், தென்னிலை காவல் நிலையத்திலும் நல்லசிவம் பலமுறை புகாா் மனு அளித்தும், இதுவரை எவ்வித நடவடிக்கையும் எடுக்கவில்லையாம்.

இதனால் விரக்தியடைந்த நல்லசிவம் திங்கள்கிழமை மாவட்ட ஆட்சியா் அலுவலகத்தில் நடைபெற்ற மக்கள் குறைதீா்க்கும் கூட்டத்தில் மனு அளிக்க வந்தாா். அப்போது, ஆட்சியா் வளாகத்தில் திடீரென கையில் வைத்திருந்த விஷமருந்தை குளிா்பானத்தில் கலந்து குடித்தாா். இதைக்கண்ட அங்கு பாதுகாப்புப் பணியில் இருந்த போலீஸாா், உடனே அவரை தடுத்து நிறுத்தி ஆம்புலன்ஸ் மூலம் கரூா் அரசு மருத்துவக்கல்லூரி மருத்துவமனைக்கு சிகிச்சைக்காக அனுப்பி வைத்தனா்.

ADVERTISEMENT

ADVERTISEMENT
ADVERTISEMENT