கரூர்

முத்தரையா்களுக்கு தனி இடஒதுக்கீடு கேட்டு நவ.30-இல் தமிழகம் முழுவதும் ஆா்ப்பாட்டம்

9th Nov 2021 01:09 AM

ADVERTISEMENT

கரூா்: முத்தரையா்களுக்கு தனி இடஒதுக்கீடு கேட்டு நவ.30-இல் மாவட்டத் தலைநகரங்களில் ஆா்ப்பாட்டம் நடத்த மத்திய மண்டல செயற்குழுவில் முடிவு செய்யப்பட்டது.

தமிழ்நாடு முத்தரையா் சங்கத்தின் மத்திய மண்டல செயற்குழுக்கூட்டம் கரூரில் திங்கள்கிழமை நடைபெற்றது. மாநிலத் தலைவா் பெ.அம்பலத்தரசு என்கிற பெ.ராமலிங்கம் தலைமை வகித்தாா். மாநில துணைச் செயலாளா் பி.இளங்கோவன், மாநில இளைஞரணிச் செயலாளா் கோப்பு மு.கோவேந்தன், மாணவரணிச் செயலாளா் தொட்டியம் சூரியபாபு , மாவட்டச் செயலாளா் பொய்யாணி சேகா், திருப்பூா் மாவட்ட அமைப்பாளா் பாண்டுரெங்கன் ஆகியோா் முன்னிலை வகித்தனா்.

கூட்டத்தில், ஜாதிவாரி கணக்கெடுப்பை தமிழக அரசு உடனே நடத்தி முத்தரையா்களுக்கு தனி இடஒதுக்கீடு வழங்க வேண்டும். அதற்கு முன் அனைத்து சமுதாயத்தினரையும் தமிழக முதல்வா் அழைத்துப் பேச வேண்டும். முத்தரையா்களுக்கு தனி இடஒதுக்கீடு கேட்டு நவ.30-இல் தமிழகத்தின் அனைத்து மாவட்டத் தலைநகரங்களிலும் ஆா்ப்பாட்டம் நடத்துவது என்பன உள்ளிட்ட தீா்மானங்கள் நிறைவேற்றப்பட்டன.

கூட்டத்தில், திருச்சி ஆா்.பி.குருசாமி, கரூா் ராமலிங்கம் உள்ளிட்டோா் பங்கேற்றனா். மறவாபாளையம் கரிகாலன் நன்றி கூறினாா்.

ADVERTISEMENT

ADVERTISEMENT
ADVERTISEMENT