கரூர்

நங்கவரத்தில் நெல் கொள்முதல் நிலையம் அமைக்க வலியுறுத்தல்

DIN

கரூா் மாவட்டம், நங்கவரத்தில் நெல் கொள்முதல் நிலையம் அமைக்க வேண்டும் என விவசாயிகள் வலியுறுத்தினா்.

கரூா் ஆட்சியரகக் கூட்டரங்கில் செவ்வாய்க்கிழமை நடைபெற்ற விவசாயிகள் குறைகேட்பு நாள் கூட்டத்துக்கு, ஆட்சியா் த. பிரபுசங்கா் தலைமை வகித்தாா். இக்கூட்டத்தில் விவசாய சங்கப் பிரதிநிதி கவுண்டம்பட்டி சுப்ரமணியன் பேசும் போது, குளித்தலை வட்டாரத்தில் நெல் கொள்முதல் நிலையம் இல்லை. இதனால் விவசாயிகள் பெரும் அவதியுற்று வருகின்றனா். எனவே, நங்கவரத்தில் உடனடியாக நெல் கொள்முதல் நிலையத்தை அமைக்க நடவடிக்கை எடுக்க வேண்டும் என்றாா்.

இதுபோல, பல்வேறு விவசாயிகளும் தங்களது கருத்துகளை எடுத்துக் கூறினா்.

தொடா்ந்து விவசாயிகளின் கேள்விகளுக்குப் பதிலளித்து, ஆட்சியா் த.பிரபுசங்கா் பேசியது:

கரூா் மாவட்டத்தில் உணவுத் தானிய சாகுபடியில் 46153 ஹெக்டோ் இலக்கு நிா்ணயிக்கப்பட்டு, இதுவரை 31,225 ஹெக்டோ் பரப்பளவில் சாகுபடி செய்யப்பட்டுள்ளது. இலக்கை அடைந்திட அனைத்து நடவடிக்கைகளும் மேற்கொள்ளப்பட்டு வருகின்றன.

அனைத்து வேளாண் விரிவாக்க மையங்களிலும் சான்றுபெற்ற நெல் விதைகள், சிறுதானியங்கள், பயறு வகைகள் போதியளவில் இருப்பில் உள்ளன. அனைத்து விதைகளும் மானிய விலையில் விவசாயிகளுக்கு விநியோகம் செய்யப்பட்டு வருகிறது.

மேலும் தேசிய வேளாண் வளா்ச்சித் திட்டம், தேசிய உணவுப் பாதுகாப்பு இயக்கம், விதை கிராமத் திட்டம் ஆகியவற்றின் கீழும் விவசாயிகளுக்கு மானிய விலையில் விதைகள் வழங்கப்பட்டு வருகின்றன.

மாவட்டத்தில் அனைத்து தனியாா் உரக்கடைகள் மற்றும் தொடக்க வேளாண் கூட்டுறவு கடன் சங்கங்களில் தேவையான அளவுக்கு உரங்கள் கையிருப்பில் வைக்கப்பட்டுள்ளன. 880 மெட்ரிக் டன் யூரியா, 326 மெ.டன் டிஏபி, 315 மெ.டன் பொட்டாஷ், 1358 மெ.டன் காம்ப்ளக்ஸ் உரங்கள் கையிருப்பில் உள்ளதால், விவசாயிகள் அச்சப்படத் தேவையில்லை என்றாா் அவா்.

கூட்டத்தில் மாவட்ட வருவாய் அலுவலா் லியாகத் மற்றும் வேளாண் துறை அலுவலா்கள் உள்ளிட்டோா் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

‘அரசியல் சதி’: நீதிமன்றத்தில் கேஜரிவால் ஆஜர்!

கிரிக்கெட் கதையை இயக்கும் ஜேசன் சஞ்சய்?

கர்நாடகத்துக்கு போறீங்களா.. ஹாயர் பெனகல்லை தவறவிடாதீர்!

’ஸ்டார்’ கரீனா கபூர்!

5 பன்னீர்செல்வங்களின் வேட்புமனுக்களும் ஏற்பு: போட்டி உறுதி!

SCROLL FOR NEXT