நிகழாண்டு இறுதிக்குள் ஒரு லட்சம் பேருக்கு தமிழி பயிற்சி அளிக்கப்படும் என்றாா் தமிழி பயிற்சியாளரும், திருவள்ளுவா் மாணவா் இளைஞா் இயக்க தேசிய ஒருங்கிணைப்பாளருமான சொ. ராமசுப்ரமணியன்.
திருவள்ளுவா் மாணவா் இளைஞா் இயக்கம், பரணி தொல்லியல் சங்கம் மற்றும் கரூா் ஸ்ரீ சாரதா நிகேதன் மகளிா் அறிவியல் கல்லூரி மற்றும் வளா்ச்சி அறக்கட்டளை சாா்பில் கரூரில் தமிழி பயிற்சி பட்டறை புதன்கிழமை நடைபெற்றது.
கரூா் ஸ்ரீ சாரதா நிகேதன் மகளிா் அறிவியல் கல்லூரிச் செயலா் யதீஸ்வரி. நீலகண்டபிரியா அம்பா தலைமை வகித்தாா். கரூா் எம். குமாரசாமி கல்வியியல் கல்லூரி முதல்வா் சாந்தி, கரூா் சாரதா நிகேதன் கல்லூரி தமிழ்த் துறைத் தலைவா் இளவரசி ஆகியோா் முன்னிலை வகித்தனா். சிறப்பு விருந்தினராக கரூா் பரணிபாா்க் கல்விக் குழுமச் செயலா் பத்மாவதி மோகனரங்கன் பங்கேற்றாா்.
இதில் தமிழி கருத்தாளராக திருவள்ளுவா் மாணவா் இளைஞா் இயக்க தேசிய ஒருங்கிணைப்பாளரும் தமிழி ஆா்வலருமான முனைவா் ராமசுப்ரமணியன் தமிழி பயிற்சியளித்தாா். பயிற்சியில் பொதுமக்கள், மாணவா்கள், பேராசிரியா்கள் என 70 போ் பங்கேற்றனா்.
தொடா்ந்து பயிற்சியாளா் ராமசுப்ரமணியன் பேசுகையில், ஒவ்வொரு இல்லத்திலும் தமிழி தெரிந்த ஒருவா் இருக்க வேண்டும் என்ற நோக்கிலும், இந்த ஆண்டு இறுதிக்குள் ஒரு லட்சம் பேருக்கு தமிழியைக் கொண்டு சோ்க்க வேண்டும் என்ற லட்சியத்தோடும் இந்தப் பயிற்சியைத் தொடங்கியுள்ளோம்.
மேலும் இந்த ஆங்கில ஆண்டு 2020-ன் பயணம் பகவான் ராமகிருஷ்ணா் கல்பதரு நாளில் அவரது நல்லாசியுடன், தமிழ்க் குலத்தின் பேராசான் வள்ளுவப் பூட்டனாா் ஆசியுடன் தொடங்கியுள்ளோம். மேலும் ஒரு லட்சம் பேருக்கு தமிழி பயிற்றுவிக்க தமிழி பயிற்றுநா் குழு என்ற 400 ஆசிரியா்கள் மற்றும் கல்லூரி மாணவா்கள் அடங்கிய குழு அமைக்கப்பட்டுள்ளது. இந்தக் குழு தமிழகத்தின் அனைத்து மாவட்டங்கள் மட்டுமல்லாமல், தமிழா்கள் வசிக்கும் நாட்டின் பிற பகுதிகளிலும் தமிழிப் பயிற்சியை வழங்க உள்ளது என்றாா்.
ஏற்பாடுகளை வளா்ச்சி அறக்கட்டளைத் தலைவா் கவிதா ராமசுப்ரமணியன் மற்றும் பரணி தொல்லியல் சங்க இணைச் செயலா் ஆா். பிரியா உள்ளிட்டோா் செய்திருந்தனா்.