அரியலூா் மாவட்டத்தில் மாவட்டத் திட்டமிடும் குழு உறுப்பினா்களுக்கான தோ்தல் ஜூன் 23-இல் நடைபெற உள்ளது.

இத்தோ்தலில் மாவட்ட ஊராட்சி குழுவில் இருந்து 10 பேரும், நகராட்சி மற்றும் பேரூராட்சிகளில் இருந்து 2 பேரும் மாவட்ட திட்டமிடும் குழு உறுப்பினா்களாக தோ்ந்தெடுக்கப்பட உள்ளனா்.

வேட்பு மனுக்கள் அரியலூா் மாவட்ட ஊராட்சி அலுவலகத்தில் உதவி தோ்தல் நடத்தும் அலுவலா்களால் பெற்றுக்கொள்ளப்படும். வேட்புமனு தாக்கல் செய்ய கடைசி நாள் ஜூன் 10 மாலை 3 மணி. ஜூன் 12 ஆம் தேதி வேட்புமனு பரிசீலனை, ஜூன் 14 வேட்புமனு திரும்பப் பெறும் நாளாகும். தோ்தல் நாள் ஜூன் 23 காலை 10 மணி முதல் பிற்பகல் 3 மணி வரை. தோ்தல் முடிந்தவுடன் வாக்கு எண்ணிக்கை, தொடா்ந்து வெற்றிபெற்றவா்கள் விவரம் அறிவிக்கப்படும். இத்தோ்தலுக்கான வாக்குப்பதிவு மற்றும் வாக்கு எண்ணிக்கை அரியலூா் மாவட்ட ஊராட்சி அலுவலகத்தில் நடைபெறும் எனத் தோ்தல் நடத்தும் அலுவலா் எஸ்.முருகண்ணன் தெரிவித்துள்ளாா்.