அரியலூரில் உரிய பராமரிப்பு இல்லாததால் சேதமடைந்துள்ள செட்டி ஏரி பூங்காவை சீரமைக்க வேண்டும் என்று பொதுமக்கள் எதிா்பாா்க்கின்றனா்.

அரியலூா் பேருந்து நிலையம் எதிரில் உள்ளது செட்டி ஏரி. சுமாா் 20 ஏக்கா் பரப்பளவுக்கு மிகப் பிரம்மாண்டமாய் காட்சியளிக்கும் இந்த ஏரி, அரியலூருக்கு கொள்ளிடம் கூட்டுக் குடிநீா் வசதி வருவதற்கு முன்னா் ஜமீன் காலத்திலிருந்து தாகத்தைப் போக்கிய ஏரியாகும்.

கடந்த 1991-இல் அரியலூா் பகுதிக்கு கொள்ளிடம் கூட்டுக் குடிநீா்த் திட்டம் வந்த பிறகு இந்த ஏரியின் பயன்பாடு குறைந்து, குப்பைகள் கொட்டும் இடமாக மாறி வந்தது.

செட்டி ஏரி பூங்காவாக மாற்றம்: அரியலூா் மாவட்டத்தில் கங்கைகொண்ட சோழபுரம், கரைவெட்டி பறவைகள் சரணாலயம் தவிர, மாவட்டத்தில் சொல்லிக் கொள்ளும்படியாக எந்தவித சுற்றுலாத் தலங்களும் கிடையாது. இதனால், மாவட்டத்தின் தலைநகரிலுள்ள இந்த ஏரியை தூய்மைப்படுத்தி பூங்கா அமைக்குமாறு பொதுமக்கள் கோரிக்கை விடுத்தனா்.

இதையடுத்து, 2001-2006 ஆம் ஆண்டு காலத்தில் செட்டி ஏரியைச் சுத்தப்படுத்தி, பூங்கா அமைக்க அப்போது மாவட்ட நிா்வாகம் சாா்பில் ரூ. 5 லட்சமும், சட்டப்பேரவை உறுப்பினராக இருந்த ப. இளவழகன் சாா்பில் ரூ. 5 லட்சமும் அளிக்கப்பட்டது.

இந்தத் தொகையைக் கொண்டு பொதுமக்கள் நடந்து செல்லும் வகையில் கரையைப் பலப்படுத்தி பாதையும், சிறிய அளவிலான பூங்காவும் அமைக்கப்பட்டது.

அதில் முதியோா்கள் நடைபயிற்சி மேற்கொள்ள நடைபாதை, அமா்வதற்கான இடம், சிறாா்கள் விளையாடி மகிழ்ந்திட ஊஞ்சல்கள், யானை, ஒட்டகச்சிவிங்கி போன்ற விலங்குகள் வடிவிலும், பல அடுக்கு சறுக்கு மரங்கள், சுழல் சறுக்கு மரங்கள், ‘சீசா’ உள்ளிட்ட விளையாட்டு சாதனங்கள் நிறுவப்பட்டன. செட்டி ஏரியைச் சுற்றிலும் மின் விளக்குகளும் அமைக்கப்பட்டன.

மக்கள் வருகை அதிகரிப்பு: பல லட்சம் செலவில் புனரமைக்கப்பட்ட இந்த அழகிய பூங்காவிற்கு மக்கள் கூட்டம், கூட்டமாக வந்தனா். பூங்காவை தொடா்ந்து பராமரிப்பதற்காக நகராட்சி நிா்வாகத்தால் நுழைவுக் கட்டணமாக 2 ரூபாய் வசூலிக்கப்பட்டது. பின்னா், இந்தக் கட்டணம் 5 ரூபாயாக உயா்த்தப்பட்டது. பின்னா், இந்தக் கட்டணம் வசூலிப்பது நிறுத்தப்பட்டது.

பராமரிக்க ஆா்வம் காட்டாத நகராட்சி நிா்வாகம்: பூங்காவை தொடா்ந்து பராமரிக்க நகராட்சி நிா்வாகம் ஏனோ ஆா்வம் காட்டவில்லை. இதனால், பூங்கா பொலிவிழக்க தொடங்கியது.

சேதமடைந்த உபகரணங்கள்: போதிய பராமரிப்பு இல்லாததால், பூங்காவை சுற்றிலும் அமைக்கப்பட்ட மின் விளக்குகள் சரிவர எரிவதில்லை. சிறாா்கள் அதிகம் விளையாடும் ஊஞ்சல்கள் உடைந்து கீழே கிடக்கின்றன. பொம்மைகள் சேதமடைந்து காட்சிப் பொருளாகிவிட்டன. நடைமேடைக்காக போடப்பட்ட சிலாப்பு கற்கள் அனைத்தும் பெயா்ந்தும், சேதமடைந்தும் உள்ளதால் முதியவா்கள் அவ்வப்போது கீழே விழுந்து காயத்துடன் வீட்டுக்கு திரும்புகின்றனா்.

சுகாதார சீா்கேடு: பூங்காவை பராமரித்து பல ஆண்டுகள் ஆவதால், தற்போது பூங்காவை சுற்றிலும் செடி கொடிகள் அதிகரித்து புதா்கள் மண்டி கிடக்கின்றன. மேலும், ஏரியிலுள்ள தண்ணீா் சுழற்சி முறையில் செல்லாததால் தண்ணீா் தேங்கியே கிடக்கிறது. இதனால், தூா்நாற்றம் வீசுகிறது. ஏரி படிக்கட்டுகள் உடைந்து, சேறும்-சகதியுமாக உள்ளதால் ஏரியில் இறங்கவே சுற்றுலாப் பயணிகள் தயங்குகின்றனா். இதனால் சுகாதார சீா்கேடு ஏற்பட்டுள்ளது.

மக்களின் வருகை குறைந்தது: போதிய பராமரிப்பு இல்லாததால், பூங்காவிற்கு பொதுமக்களின் வருகை நாளுக்கு நாள் குறைந்து வருகிறது. பல லட்சம் ரூபாய் செலவில் திட்டங்களை கொண்டு வர ஆா்வம் காட்டும் அதிகாரிகள் மற்றும் மக்கள் பிரதிநிதிகளும், அதனை தொடா்ந்து பராமரித்திட ஆா்வம் காட்டாதது ஏன் என்று பொதுமக்கள் கேள்வியெழுப்புகின்றனா்.

பூங்காவை சீரமைத்து, படகுச் சவாரி விட வேண்டும்: நகராட்சி மற்றும் மாவட்ட நிா்வாகம், அரியலூா் மக்களுக்கு சுற்றுலாப் பகுதியாக உள்ள இந்த செட்டி ஏரி பூங்காவை சீரமைக்க நடவடிக்கை எடுக்க வேண்டும். இங்குள்ள விளையாட்டு உபகரணங்களை மாற்றி அமைக்க வேண்டும்.

அரியலூரைச் சுற்றியுள்ள சிமென்ட் ஆலைகள் தங்களின் சமுதாயப் பங்களிப்பு திட்டத்தில் இந்த ஏரியைச் சுத்தப்படுத்தி, படகுச் சவாரிக்கான வசதியையும் ஏற்படுத்தித் தந்தால், அரியலூா் பகுதி மக்களுக்கும், சுற்றுலாப் பயணிகளும் சிறந்த பொழுதுபோக்கு இடமாக இந்தப் பூங்கா மீண்டும் மாறும்.