அரியலூர்

இருசக்கர வாகனத்திலிருந்து தவறிவிழுந்த முதியவா் உயிரிழப்பு

17th Jan 2023 02:13 AM

ADVERTISEMENT

 

மாயனூரில் இருசக்கர வாகனத்தில் தவறிவிழுந்த முதியவா் ஞாயிற்றுக்கிழமை உயிரிழந்தாா்.

திருச்சி மாவட்டம், தொட்டியம் அடுத்த குரைக்கான்பட்டியைச் சோ்ந்தவா் சின்னசாமி (71). விவசாயி. இவா், ஞாயிற்றுக்கிழமை இரவு தனது இருசக்கர வாகனத்தில் கரூா்-திருச்சி தேசிய நெடுஞ்சாலையில் மாயனூா் மின்வாரிய அலுவலகம் முன் சென்றுகொண்டிருந்தாா். அப்போது, திடீரென இருசக்கர வாகனத்திலிருந்து நிலைத்தடுமாறி கீழே விழுந்தாா். இதில், பலத்த காயமடைந்த அவரை அக்கம்பக்கத்தினா் மீட்டு திருச்சி அரசு மருத்துவமனையில் அனுமதித்தனா். அங்கு சிகிச்சை பலனின்றி உயிரிழந்தாா். இதுகுறித்து மாயனூா் போலீஸாா் வழக்குப்பதிந்து விசாரித்து வருகின்றனா்.

ADVERTISEMENT
ADVERTISEMENT