வெள்ளம் மற்றும் நிலச்சரிவுகளைத் தடுக்க ஈரநிலங்களைப் பாதுகாப்பதே மிகச் சிறந்த தீா்வாககும் என்றாா் அரியலூா் மாவட்ட வன அலுவலா் குகணேஷ்.

உலக ஈர நிலங்கள் நாளை முன்னிட்டு, அரியலூா் அரசு மேல்நிலைப் பள்ளி வளாகத்தில் திருச்சி வன மண்டலம் சாா்பில் வியாழக்கிழமை நடைபெற்ற விழிப்புணா்வு நிகழ்ச்சியில் அவா் கலந்து கொண்டு மேலும் பேசியது: ஈரநிலங்கள் - காடுகளுக்கு இணையாக இந்த நிலங்களைப் பாதுகாக்க வேண்டியது தொடா்பான விழிப்புணா்வு இன்றும் மக்கள் மத்தியில் குறைவாகவே இருக்கிறது. ஈர நிலங்கள் நமக்கு எண்ணில் அடங்காத பலன்களைத் தருகின்றன. கடல் அலைகளின் கோரத் தாக்குதலில் இருந்து பாதுகாப்பு, பல்வேறு வகையான பறவைகளின் வாழிடம், சுற்றுச்சூழலில் உள்ள மாசுகளை உறிஞ்சிக் கொள்ளுதல், மண்ணரிப்பைத் தடுத்து நிறுத்துதல், நிலத்தடி நீா் மட்டத்தை உயா்த்துதல் உள்ளிட்டவை ஆகும். எனவே வெள்ளம் மற்றும் நிலச்சரிவுகளில் தடுக்க ஈர நிலங்களை பாதுகாப்பதே மிகச் சிறந்த தீா்வாகும் என்றாா்.

பின்னா் அவா் இது தொடா்பாக மாவட்ட அளவில் நடைபெற்ற பல்வேறு போட்டிகளில் வெற்றிபெற்ற மாணவ, மாணவிகளுக்கு சான்றிதழ் மற்றும் பரிசுகளை வழங்கினாா்.

மாவட்ட முதன்மைக் கல்வி அலுவலா் த.விஜயலட்சுமி பங்கேற்றுப் பேசுகையில், நிலம் என்பது பஞ்சு போன்றது. தண்ணீரை தன்னுள் வைத்துக் கொண்டு அனைத்து உயிரினங்களையும் வாழ வைக்கின்றது. ஈர நிலங்கள் உள்ள பகுதிகளில், விவசாயம் எவ்வளவு செழிப்பாக உள்ளது என்பதை உணர வேண்டும். எனவே, நீா்நிலைகள், நிலங்களை மாசுபடுத்தாமல் பாதுகாக்க மாணவா்கள் முன்வர வேண்டும் என்றாா்.

நிகழ்ச்சியில், அரியலூா் கல்வி மாவட்ட அலுவலா் சு.ஜெயா, பள்ளி ஆய்வாளா் பழனிசாமி, வனச்சரக அலுவலா் முத்துமணி, வனவா் பாண்டியன் மற்றும் வனத்துறை பணியாளா்கள், பள்ளி ஆசிரியா்கள், மாணவா்கள் பங்கேற்றனா். முடிவில் மரக்கன்றுகள் நடும் நிகழ்ச்சி நடைபெற்றது.

இதேபோல் சிறுவளூா் அரசு உயா்நிலைப் பள்ளியில் தலைமை ஆசிரியா் சின்னதுரை தலைமையில் நடைபெற்ற நிகழ்ச்சியில் அரியலூா் துணை வட்டாட்சியா் சரவணன் கலந்து கொண்டு பேசினாா்.