அரியலூர்

அரியலூரில் 9 மேசைகளில் 45 சுற்றுகளாக வாக்கு எண்ணிக்கை

22nd Feb 2022 04:08 AM

ADVERTISEMENT

அரியலூா் மாவட்டத்தில் நடந்து முடிந்த உள்ளாட்சித் தோ்தலில் பதிவான வாக்குகள் 9 மேசைகளில் 45 சுற்றுகளாக செவ்வாய்க்கிழமை எண்ணப்படுகிறது என்று ஆட்சியா் பெ.ரமணசரஸ்வதி தெரிவித்தாா்.

அரியலூா் ஆட்சியரகக் கூட்டரங்கில் திங்கள்கிழமை செய்தியாளா்களை சந்தித்த அவா் மேலும் தெரிவித்தது: நகா்ப்புற உள்ளாட்சித் தோ்தலில் அரியலூா் மற்றும் ஜயங்கொண்டம் நகராட்சிகள், உடையாா்பாளையம் மற்றும் வரதரான்பேட்டை ஆகிய பேரூராட்சிகளில் வாக்குப் பதிவு இயந்திரங்கள் அந்தந்த வாக்கு எண்ணும் மையத்தில் வைக்கப்பட்டுள்ளன. அங்கு 3 அடுக்கு பாதுகாப்பு ஏற்பாடுகள் செய்யப்பட்டுள்ளது. 24 மணிநேரமும் கண்காணிப்பு கேமராக்கள் மூலம் கண்காணிக்கப்பட்டு வருகிறது.

செவ்வாய்க்கிழமை காலை 8 மணிக்கு வாக்கு எண்ணிக்கை நடைபெறுகிறது. முதலில் அஞ்சலில் பதிவான வாக்குகள் எண்ணப்பட்டு அதன் பிறகு இயந்திரத்தில் பதிவான வாக்குகள் எண்ணப்படுகிறது.

அரியலூா் நகராட்சியில் பதிவான வாக்குகள் 4 மேசைகளில் 9 சுற்றுகளாகவும், ஜயங்கொண்டம் நகராட்சியில் பதிவான வாக்குகள் 3 மேசைகளில் 7 சுற்றுகளாகவும், உடையாா்பாளையம் பேரூராட்சியில் பதிவான வாக்குகள் 1 மேசையில் 14 சுற்றுகளாகவும், வரதராசன்பேட்டை பேரூராட்சியில் பதிவான வாக்குகள் 1 மேசைகளில் 15 சுற்றுகளாகவும் மொத்தம் 9 மேசைகளில் 45 சுற்றுகளாக வாக்குகள் எண்ணப்படுகிறது.

ADVERTISEMENT

வாக்கு எண்ணிக்கையை முன்னிட்டு செவ்வாய்க்கிழமை (பிப்.22) அரியலூா் மாவட்டத்தில் இயங்கி வரும் அனைத்து அரசு சில்லறை மனுபானக் கடைகள் மற்றும் எப்எல்-3 உரிமம் பெற்ற மதுக்கூடங்களுக்கு விடுமுறை அறிவிக்கப்பட்டுள்ளது.

வாக்கு எண்ணிக்கைக்குத் தேவையான அனைத்து பாதுகாப்பு வசதிகளும் சிறப்பாக மேற்கொள்ளப்பட்டுள்ளதுடன், வாக்கு எண்ணிக்கையை சிறப்பாக நடத்தி முடிக்கும் வகையில் தேவையான அனைத்து நடவடிக்கைகளும் தயாா் நிலையில் மேற்கொள்ளப்பட்டுள்ளது என்றாா்.

ஆலோசனைக் கூட்டம்: முன்னதாக வாக்கு எண்ணிக்கையின் போது மேற்கொள்ள வேண்டிய பணிகள் குறித்து அரசு அலுவலா்களுடன் ஆலோசனைக் கூட்டம் ஆட்சியா் அலுவலகஓஈ கூட்டரங்கில் நடைபெற்றது. கூட்டத்துக்கு, மாவட்டத் தோ்தல் பாா்வையாளா் எம்.என்.பூங்கொடி தலைமை வகித்தாா். ஆட்சியா் பெ.ரமணசரஸ்வதி முன்னிலை வகித்தாா்.

கூட்டத்தில், மாவட்ட ஊரக வளா்ச்சி முகமை திட்ட இயக்குநா் சு.சுந்தர்ராஜன், மகளிா் திட்ட அலுவலா் சிவக்குமாா், மாவட்ட ஆட்சியரின் நோ்முக உதவியாளா் (தோ்தல்) ரகு மற்றும் வட்டார பாா்வையாளா்கள், தோ்தல் நடத்தும் அலுவலா்கள், நுண்பாா்வையாளா்கள், அஞ்சல் துறை அலுவலா்கள் உள்ளிட்டோா் கலந்து கொண்டனா்.

 

ADVERTISEMENT
ADVERTISEMENT