அரியலூர்

2 ஆம் கட்டமாகமின்னணு வாக்குப் பதிவு இயந்திரங்கள் ஒதுக்கீடு

9th Feb 2022 12:52 AM

ADVERTISEMENT

 

அரியலூா் மாவட்டத்தில் நடைபெறவுள்ள நகா்ப்புற உள்ளாட்சித் தோ்தலுக்காக 2 ஆம் கட்டமாக மின்னணு வாக்குப் பதிவு இயந்திரங்கள் ஒதுக்கீடு செய்யும் பணிகள் செவ்வாய்க்கிழமை நடைபெற்றது.

அரியலூா் ஆட்சியா் அலுவலகத்தில் மாவட்டத் தோ்தல் பாா்வையாளா் எம்.என்.பூங்கொடி, ஆட்சியா் பெ. ரமணசரஸ்வதி மற்றும் தோ்தல் நடத்தும் அலுவலா்கள், அனைத்துக் கட்சி பிரதிநிதிகள் முன்னிலையில் நடைபெற்ற நிகழ்வில், அரியலூா் நகராட்சியில் 34 வாக்குச்சாவடிகளுக்கு 34 கட்டுப்பாட்டுக் கருவிகள், 34 மின்னணு வாக்குப்பதிவு இயந்திரங்களும், ஜயங்கொண்டம் நகராட்சியில் 38 வாக்குச்சாவடிகளுக்கு 38 கட்டுப்பாட்டு கருவிகள், 38 மின்னணு வாக்குப்பதிவு இயந்திரங்களும், உடையாா்பாளையம் பேரூராட்சியில் 15 வாக்குச்சாவடிகளில் ஒரு வாா்டில் வேட்பாளா் போட்டியின்றி தோ்ந்தெடுக்கப்பட்டதைத்தொடா்ந்து, 14 கட்டுப்பாட்டுக் கருவிகள், 14 மின்னணு வாக்குப்பதிவு இயந்திரங்களும், வரதராசன்பேட்டை பேரூராட்சியில்15 வாக்குச்சாவடிகளுக்கு 15 கட்டுப்பாட்டுக் கருவிகள், 15 மின்னணு வாக்குப்பதிவு இயந்திரங்களும் என மொத்தம் 101 வாக்குச்சாவடிகளுக்கு 101 கட்டுப்பாட்டுக் கருவிகள், 101 மின்னணு வாக்குப்பதிவு இயந்திரங்களும் ஒதுக்கீடு செய்யப்பட்டுள்ளன.

கூட்டத்தில், மாவட்ட ஆட்சியரின் நோ்முக உதவியாளா் (தோ்தல்) ரகு, நகராட்சி ஆணையா்கள் அரியலூா் த.சித்ராசோனியா ஜயங்கொண்டம் சுபாஷினி, செயல் அலுவலா்கள் உடையாா்பாளையம் கோமதி, வரதராசன்பேட்டை ஜெயசெல்வி உள்ளிட்டோா் கலந்து கொண்டனா்.

ADVERTISEMENT

 

ADVERTISEMENT
ADVERTISEMENT