அரியலூா் மாவட்டம், ஜயங்கொண்டம் அருகே சிறுமிக்குப் பாலியல் தொல்லை கொடுத்த இளைஞருக்கு 11 ஆண்டுகள் சிறைத் தண்டனை விதித்து அரியலூா் மகளிா் நீதிமன்றம் வெள்ளிக்கிழமை தீா்ப்பளித்தது.

ஜயங்கொண்டம் அடுத்த நாச்சியாா்பேட்டை கிராமத்தைச் சோ்ந்த சிங்காரம் மகன் ராஜசேகா்(30) 14 வயது சிறுமிக்கு பாலியல் தொல்லை கொடுத்த வழக்கில் போக்ஸோ சட்டத்தின் கீழ் போலீஸாா் அவரைக் கைது செய்தனா். இவ்வழக்கு அரியலூா் மகளிா் நீதிமன்றத்தில் நடைபெற்று வந்த நிலையில், இறுதி விசாரணை முடிந்து வெள்ளிக்கிழமை தீா்ப்பு அளிக்கப்பட்டது.

தீா்ப்பில், சிறுமிக்குப் பாலியல் தொல்லை கொடுத்ததற்கு 7 ஆண்டுகள் சிறைத் தண்டனை, ரூ. 25 ஆயிரம் அபராதம், அத்துமீறி வீட்டினுள் நுழைந்த குற்றத்துக்காக 2 ஆண்டுகள் சிறைத் தண்டனை, ரூ.2,500 அபராதம், சிறுமிக்குக் கொலை மிரட்டல் விடுத்த குற்றத்துக்காக 2 ஆண்டுகள் சிறைத் தண்டனை, ரூ.2,500 அபராதம், மொத்தமாக 11 ஆண்டுகள் சிறைத் தண்டனையும், ரூ.30 ஆயிரம் அபராதமும், தண்டனையை ராஜசேகா் தனித்தனியே அனுபவிக்க வேண்டும் என்று நீதிபதி ஆனந்தன் உத்தரவிட்டாா். இதையடுத்து ராஜசேகா் திருச்சி மத்திய சிறையில் அடைக்கப்பட்டாா்.