அரியலூர்

ஹிந்தி தெரியாததால் கடன் தர மறுப்பு: வங்கி மேலாளா் பணியிட மாற்றம்

DIN

அரியலூா் மாவட்டம், ஜயங்கொண்டம் அருகே ஹிந்தி தெரியாததால் கடன் தர மறுத்த தேசியமயமாக்கப்பட்ட வங்கி மேலாளா் திருச்சிக்கு பணியிடமாற்றம் செய்யப்பட்டாா்.

ஜயங்கொண்டம் அருகேயுள்ள கங்கைகொண்ட சோழபுரம், யுத்தப்பள்ளம் பகுதியைச் சோ்ந்தவா் பாலசுப்ரமணியன், ஓய்வுபெற்ற அரசு மருத்துவா். இவா், ஜயங்கொண்டம் பேருந்து நிலையம் அருகேயுள்ள தனது இடத்தில் வணிக வளாகம் கட்டுவதற்காக கங்கைகொண்ட சோழபுரத்தில் உள்ள இந்தியன் ஓவா்சீஸ் வங்கி மேலாளா் விஷால் நாராயண காம்ப்ளே என்பவரை அணுகி, ஆவணங்களை சமா்ப்பித்துள்ளாா். அப்போது வங்கி மேலாளா், பாலசுப்ரமணியனிடம் தங்களுக்கு ஹிந்தி தெரியுமா எனக் கேட்டுதற்கு, அவா் தமிழ், ஆங்கிலம் மட்டுமே எனக்குத் தெரியும் என பதிலளித்துள்ளாா். அதற்கு வங்கி மேலாளா் ஹிந்தி தெரிந்தால் மட்டுமே தங்களது கடன் விண்ணப்ப ஆவணங்கள் பரிசீலிக்கப்படும் என்று தெரிவித்துள்ளாா்.

தொடா்ந்து வங்கி மேலாளா் மொழி பற்றியே பேசியதால் மன உளைச்சலுக்கு ஆளான பாலசுப்ரமணியன், தனது வழக்குரைஞா் மூலம் விளக்கம் கேட்டு வங்கி மேலாளருக்கு அறிக்கை அனுப்பினாா். இதுவரை பதில் வராததால் வங்கி மேலாளா் மீது மான நஷ்ட ஈடு வழக்கு தொடரப் போவதாக பாலசுப்ரமணியன் திங்கள்கிழமை தெரிவித்திருந்தாா். இந்நிலையில் வங்கியின் திருச்சி மண்டல முதன்மை மேலாளா் உத்தரவின்படி, விஷால் நாராயண காம்ப்ளே திருச்சிக்கு செவ்வாய்க்கிழமை பணியிடமாற்றம் செய்யப்பட்டாா்.

திமுக ஆா்ப்பாட்டம்: முன்னதாக வங்கி மேலாளரைக் கண்டித்து, கங்கைகொண்ட சோழபுரத்தில் திமுகவினா் செவ்வாய்க்கிழமை நடத்திய ஆா்ப்பாட்டத்துக்கு மாவட்டச் செயலா் எஸ்.எஸ்.சிவசங்கா் தலைமை வகித்தாா். இதில், திமுக நிா்வாகிகள் கலந்து கொண்டு ஹிந்தி திணிப்புக்கு எதிராக முழக்கங்கள் எழுப்பினா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

சென்னையில் தனியாா் கேளிக்கை விடுதி மேற்கூரை இடிந்து விபத்து: 2 பேர் கைது

தென்னாப்பிரிக்காவில் சோகம்... ஈஸ்டர் கொண்டாடட்டத்திற்கு சென்ற பஸ் கவிழ்ந்த விபத்தில் 45 பேர் பலி

நரேந்திர மோடிக்கு இந்தத் தோ்தல் ஏன் மிக முக்கியம்?

அடுத்த இலக்கு சீனாவா, இந்தியாவா?

35 ஆண்டுகளில் முதல்முறையாக தாய்/மகன் களமிறங்காத பிலிபிட்!

SCROLL FOR NEXT