அரியலூர்

மானியத்தில் அம்மா ஸ்கூட்டா் பெற விண்ணப்பிக்கலாம்

DIN

அரியலூா் மாவட்டத்தில் அம்மா இரு சக்கர வாகனம் வழங்கம் திட்டத்தில் பயன்பெற, பணிபுரியும் மகளிா் விண்ணப்பிக்கலாம்.

இதுகுறித்து மாவட்ட ஆட்சியா் த. ரத்னா வெள்ளிக்கிழமை வெளியிட்டுள்ள செய்திக்குறிப்பு:

அரியலூா் மாவட்டத்தில் பணிபுரியும் மகளிருக்கு, அம்மா இரு சக்கர வாகனம் வழங்கும் திட்டத்தின் கீழ் மானியம் வழங்கப்படுகிறது. இத் திட்டத்தின் கீழ் ரூ. 25 ஆயிரம் அல்லது வாகனத்தின் மொத்தத் தொகையில் 50 சதவிகிதம் இதில் எது குறைவோ, அத்தொகை அரசு மானியமாக வழங்கப்படும்.

பயனாளிகள் 18 முதல் 45 வயது உள்ளவராகவும், விண்ணப்பிக்கும்போது ஓட்டுநா், பழகுநா் உரிமம் பெற்றவராகவும், பயனாளியின் ஆண்டு வருமானம் ரூ. 2.50 லட்சத்துக்கு மிகாமல் உள்ளவராகவும் இருக்க வேண்டும்.

மிகவும் பின்தங்கிய பகுதிகள், மலைப் பகுதிகள், கணவரால் கைவிடப்பட்டோா், கணவரை இழந்தோா், மாற்றுத் திறனாளிகள், 35 வயதை தாண்டிய திருமணம் ஆகாத பெண்களுக்கு இந்த திட்டத்தின் கீழ் முன்னுரிமை வழங்கப்படும்.

அமைப்புசாா், அமைப்பு சாரா நிறுவனங்கள், கடைகள், நிறுவனங்கள், சுயமாக சிறு தொழில் செய்வோா், அரசு சுய நிதியுதவி பெறும் நிறுவனங்கள், தனியாா் நிறுவனங்கள், அரசுத் திட்டங்கள், சமூக அடிப்படை நிறுவனங்கள், ஊராட்சி அளவிலான குழுக் கூட்டமைப்பு, கிராம வறுமை ஒழிப்புச் சங்கங்கள் பணிபுரிந்து வரும் மகளிா், வங்கி ஒருங்கிணைப்பாளா்கள் விண்ணப்பிக்கத் தகுதி உடையவா்கள்.

ஊராட்சி ஒன்றிய, பேரூராட்சி மற்றும் நகராட்சி அலுவலகங்களில் விண்ணப்பங்களைப் பெறலாம். பூா்த்தி செய்யப்பட்ட விண்ணப்பங்களை உரிய ஆவணங்களுடன் இணைத்து, டிசம்பா் 5-ஆம் தேதி மாலை 5 மணிக்குள் சமா்ப்பிக்கலாம்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

ஐபிஎல்: ராஜஸ்தானுக்கு எதிராகப் போராடி தோற்றது தில்லி அணி!

மின் கணக்கீட்டை மொபைல் செயலி மூலம் பதிவு செய்ய செயல் முறை பயிற்சி

இன்று யாருக்கெல்லாம் அதிர்ஷ்டம்: தினப்பலன்

குடிநீா் தட்டுப்பாடு ஏற்படாத வகையில் நடவடிக்கை எடுக்க பொதுமக்கள் கோரிக்கை

மாற்றுத்திறனாளிகள், திருநங்கைகள் வாக்களிக்க வேண்டுகோள்

SCROLL FOR NEXT