சுரங்கத்தில் தேங்கியிருந்த நீரில் மூழ்கி மாணவா் பலி

அரியலூா் அருகே அரசு சிமென்ட் ஆலைக்குச் சொந்தமான - காலாவதியான சுரங்கத்தில் குளிக்கச் சென்ற ஐடிஐ மாணவா் நீரில் மூழ்கி உயிரிழந்தாா்.

அரியலூா் அருகேயுள்ள தெற்கு சீனிவாசபுரத்தைச் சோ்ந்தவா் அழகுதுரை மகன் பாலசுப்பிரமணியன் (19). தாமரைக்குளத்தில் உள்ள ஐடிஐ-யில் இரண்டாம் ஆண்டு படித்து வந்தாா். இவா், சனிக்கிழமை மாலை கல்லங்குறிச்சி பகுதியில் உள்ள அரசு சிமென்ட் ஆலைக்குச் சொந்தமான - காலாவதியான சுண்ணாம்புக்கல் சுரங்கத்தில் தேங்கியுள்ள நீரில் குளிக்கச் சென்றுள்ளாா்.

சுரங்கத்தின் ஆழமான பகுதிக்குச் சென்ற பாலசுப்பிரமணியனின் கால் கற்கள் இடையே சிக்கிக் கொண்டதில் நீரில் மூழ்கி உயிரிழந்தாா்.

தகவலறிந்து சம்பவ இடத்துக்குவந்த கயா்லாபாத் போலீஸாா், சடலத்தை மீட்டு அரியலூா் அரசு மருத்துவமனைக்கு அனுப்பி வைத்தனா். மேலும் இதுகுறித்து வழக்குப் பதிந்து விசாரிக்கின்றனா்.